कतारसहित विदेशका जेलमा पाँच सय ४५ जना नेपाली कतारको जेलबाट १७ रिहा हुने
काठमाडौं,बैशाख १२
नोवल कोरोना भाइरस (कोभिड १९) का कारण विश्वले नै असहज परिस्थिति भोगिरहेको समयमा कतारले भने जेलमा रहेका कैदीबन्दीहरुको स्वास्थ्य सुरक्षामा चासो दिएको छ । कैदीबन्दीहरुको स्वास्थ्य सुरक्षामा चासो दिएसँगै कतारका राजा शेख तमिम बिन हमाद अल थानीले कतारको जेलमा रहेका कैदीहरुलाई आममाफी दिने घोषणा गरेको दोहास्थित नेपाली दूतावासले जनाएको छ ।
दूतावासका अनुसार कोरोना भाइरसको कारण कैदीहरुको स्वास्थ्य र मानवीय अवस्थालाई ध्यानमा राखी कतार सरकारले कैदीहरुलाई आममाफी दिने घोषणा गरेको हो ।सोसँगै कतारको जेलमा रहेका १७ जना नेपालीहरु रिहा हुने भएका छन् । दूतावासका अनुसार रिहा हुनेमा १३ जना लागूऔषध कारोबारजन्य, दुई जना चोरी, एक जना मादक पदार्थ कारोबार र अर्का एक जना ठगीको कसुरमा सजाय भुक्तान गरिरहेका नेपालीहरु रहेका छन् ।
वैदेशिक रोजगार बोर्डका अनुसार कतारको जेलमा ३५ जना नेपाली रहेका छन् भने जेलमा रहेका सबै जना पुरुष हुन् । बोर्डले कतारसहित अन्य सातवटा मुलुकका जेलमा पाँच सय ४५ जना नेपालीहरु रहेका बताउँदै आएको छ । तीमध्ये १९ जना महिला र पाँच सय २६ जना पुरुष हुन् ।
वैदेशिक रोजगारीमा गएका ती युवाहरु विभिन्न अपराधमा संलग्न भएको आरोपमा जेलमा परेका हुन् । नेपालीहरु मादक पदार्थ सेवन गरी आफूहरुबीच झै झगडा गरेको देखि हत्या, हिंसा र लागूपदार्थ ओसारपसारमा जस्ता गम्भीर अपराधमा संलग्न रहेको आरोपमा जेल पर्ने गरेका छन् ।
बोर्डका अनुसार यसरी विभिन्न अपराधमा जेलमा पर्ने नेपालीहरुमा कुवेतमा तीन महिला र ५५ पुरुष गरी ५८ जना, संयुक्त अरब इमिरेटसमा १२ महिला र एक सय ७३ जना पुरुष गरी एक सय ८५ जना, मलेसियामा दुई जना महिला र दुई सय तीन जना पुरुष गरी दुई सय पाँच जना रहेका छन् ।
यस्तै ओमनमा दुई महिला र एक पुरुष गरी तीन जना, साउदी अरब जेद्दामा ३१ जना पुरुष र रियादमा २३ जना पुरुष गरी ५४ जना, कतारमा ३५ जना पुरुष र बहराइनमा पाँच जना पुरुष जेलमा रहेका छन् । जेल जीवन बिताइरहेका नेपालीहरुलाई ब्लड मनिमार्फत छुटाउन सक्ने भए पनि सरकारले हालसम्म त्यसलाई चासो दिएको पाइँदैन ।
क्याटेगोरी : समाचार
ताजा अपडेट
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
- प्रदेशभित्रका सबै जिल्लामा एम्बुलेन्स सेवा विस्तार गर्ने
- जाजरकोट भूकम्प प्रभावितलाई अनुदान रकम उपलब्ध गराउन प्रधानमन्त्रीलाई ज्ञापन
- युरोपियन युनियनका राजदूतको परराष्ट्रमन्त्री डा. राणासँग शिष्टाचार भेट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया