काठमाडौं, वैशाख १७
कोरोना भाइरस कोभिड–१९ को सङ्क्रमण हुनेको संख्या ५४ पुगेको छ । मंगलबार थप दुई जनामा कोरोना देखिएको हो । टेकुस्थित राष्ट्रिय प्रयोगशालामा परीक्षणका क्रममा रौतहटका २४ र ३५ वर्षीय दुई पुरुषमा कोभिड–१९ को सङ्क्रमण देखिएको स्वास्थ्य तथा जनसङ्ख्या मन्त्रालयका प्रवक्ता डा. विकास देवकोटाले मंगलबार आयोजित नियमित पत्रकार सम्मेलनमा जानकारी दिए ।
५४ जनामध्ये पूर्णरूपमा स्वस्थ भएर १६ जना मात्र घर फर्किएका छन् । अहिले ३९ जना सङ्क्रमित अस्पतालको आइसोलेसनमा रहेका छन् । संक्रमितहरुको स्वास्थ्य अवस्था भने सामान्य रहेको छ । नेपालमा भएका कुनै पनि संक्रमितलाई अस्पतालको आईसीयूमा राख्नुपरेको छैन । रौतहटमा फेला परेका दुई सङ्क्रमितको नजिक रहेकाहरुको कन्ट्याक्ट ट्रेसिङसमेत भइरहेको छ ।
यसैबीच, मोबाइल एप्लिकेसनमार्फत सबैभन्दा बढी काठमाडौँ जिल्लाका मानिसले कोभिड–१९ को स्वमूल्याङ्कन गरेका छन् । स्वास्थ्य तथा जनसङ्ख्या मन्त्रालयले एप्लिकेसनमार्फत सर्वसाधारण सबैलाई कोभिड–१९ को लक्षण स्वमूल्याङ्कन गर्न सक्ने व्यवस्था गरेको छ । मन्त्रालयका प्रवक्ता डा देवकोटाले काठमाडौँपछि बारा, ललितपुर, रुपन्देही, मोरङ, भक्तपुर, सुनसरी, झापा, कास्की र चितवनका मानिसहरूले मोबाइल एपबाट स्वमूल्याङ्कन गरेका छन् ।
अहिलेसम्म २८ हजार १ सय २५ जनाले स्वमूल्याङ्कन गरिसकेका छन् । तीमध्ये ३ सय ९ जना रेड जोनमा परेका छन् । यसैगरी प्रदेशस्तरमा सबभन्दा बढी वाग्मती प्रदेशका सर्वसाधारणले स्वमूल्याङ्कन गरेका छन् । त्यसपछि प्रदेश नंं २, प्रदेश नं १, प्रदेश नं ५, गण्डकी प्रदेश, सुदूरपश्चिम प्रदेश र कर्णाली प्रदेश छन् ।
अहिलेसम्म ५४ हजार ८ सय २६ जनामा कोभिड–१९ परीक्षण गरिएको छ । तीमध्ये १० हजार पिसिआर र ४४ हजार १९ -यापिड डाइग्नोष्टिक टेष्ट (आरडीटी)बाट गरिएका छन् । आरडीटीबाट सबभन्दा बढी सुदूरपश्चिम प्रदेशमा १२ हजार २ सय ८३ जनामा गरिएको छ । प्रदेश नंं १ मा चार हजार ८ सय २८, प्रदेश नंं २ मा पाँच हजार २ सय ४९, वाग्मती प्रदेशमा आठ हजार १४, गण्डकी प्रदेशमा चार हजार ९ सय ३६, प्रदेश नंं ५ मा पाँच हजार ३ सय २८, कर्णाली प्रदेशमा पाँच हजार १ सय ८१ जनामा आरडीटी परीक्षण गरिएको छ ।
यसैगरी अहिलेसम्म २२ हजार ९९ जना क्वारेन्टाइनमा छन् । तीमध्ये प्रदेश नं १ मा दुई हजार २ सय ८८, प्रदेश नंं २ मा एक हजार ५ सय १२, वाग्मती प्रदेशमा ३ सय ६१, गण्डकी प्रदेशमा ६ सय ७६, प्रदेश नं ५ मा १२ हजार १ सय ६४, कर्णाली प्रदेशमा तीन हजार ७ सय ७९ र सुदूरपश्चिम प्रदेशमा एक हजार ३ सय ९ जना क्यारेन्टाइनमा रहेका छन् ।
क्याटेगोरी : समाचार
ताजा अपडेट
- तीन वर्षमा आयल निगम ४९ अर्ब घाटादेखि वार्षिक १० अर्ब रूपैयाँ नाफामा, तर नेपालमा किन मूल्य उल्लेख्य घटेन?
- प्यारिस ओलिम्पिक्स २०२४: पहिलोपटक रङ्गशालामा मात्र नभई सहरभरि उद्घाटन समारोह, यस्तो थियो रौनक
- चीनबाट ६५ अर्बको सामान आयात
- सरकारलाई असफल हुने छुट छैन : सञ्चारमन्त्री गुरुङ
- चितवनमा ६४ जनामा डेङ्गु सङ्क्रमण
- चारवटा प्रदेशमा भारी वर्षा हुने
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया