थुनामा राख्ने आदेश गलत भन्दै नेताहरु उच्च अदालत पुगे

काठमाडौं । नक्कली भुटानी शरणार्थी प्रकरणमा मुछिएका नेताहरु आफूहरुलाई थुनामा राख्ने आदेश गलत भएको भन्दै उच्च अदालत पाटन पुगेका छन् ।

कांग्रेस नेता एवं पूर्वगृहमन्त्री बालकृष्ण खाँण, एमाले सचिव एवं पूर्वमन्त्री टोपबहादुर रायमाझीलगायत भुटानी शरणार्थी नेता टेकनाथ रिजाल उच्च अदालत पुगेका हुन् । उनीहरुले जिल्ला अदालतको आदेश बदर गरी आफूहरुलाई सामान्य तारिखमा रिहा गर्नुपर्ने बताएका छन् ।

खाँण र रायमाझीको हकमा कैफियत प्रतिवेदन मगाउने उच्च अदालत पाटनले आदेश गरिसकेको छ । यसअघि नै निवेदन दिएकाहरुको हकमा उच्च अदालत पाटनको आदेश अनुसार जिल्ला अदालतबाट प्रतिवेदन पेस भैसकेको छ ।