जनउत्थान सामुदायिक लघुवित्तको खुद मुनाफामा गिरावट

काठमाडौं । जनउत्थान सामुदायिक लघुवित्त वित्तीय संस्थाको खुद मुनाफामा गिरावट आएको छ । संस्थाले आर्थिक वर्ष २०७९/८० मा एक करोड ६६ लाख ६३ हजार दुई सय ४० रुपैयाँ खुद मुनाफा कमाएको छ । संस्थाले कमाएको यो नाफा अघिल्लो आवको तुलनामा झण्डै तीन करोड रुपैयाँले कम हो । अघिल्लो आवमा भने संस्थाले चार करोड ९५ लाख ७६ हजार रुपैयाँ खुद मुनाफा कमाएको थियो ।

हाल चुक्ता पुँजी १७ करोड ९१ हजार रुपैयाँ रहेको संस्थाले आव २०७९/८० मा ८१ करोड ९९ लाख ८० हजार एक सय ३० रुपैयाँ निक्षेप संकलन गरी दुई ५२ लाख ५५ हजार पाँच सय ३० रुपैयाँ कर्जा प्रवाह गरेको छ । सो अवधिमा नौ करोड ६० लाख २४ हजार तीन सय २० रुपैयाँ खुद ब्याज आम्दानी गरेको संस्थाको प्रोभिजन रकम छ करोड ८४ लाख ८६ हजार एक सय ३० रुपैयाँ रहेको छ । नौ दशमलव ५१ प्रतिशत कर्जा निष्क्रिय रहेको संस्थाको स्प्रेडदर भने तीन दशमलव १२ प्रतिशत रहेको छ ।

अघिल्लो आवमा भने संस्थाले ८१ करोड २२ लाख ९६ हजार पाँच सय ६० रुपैयाँ निक्षेप संकलन गरी दुई अर्ब २४ करोड ८० लाख ५७ हजार रुपैयाँ कर्जा प्रवाह गरेको थियो । उक्त अवधिमा १७ करोड १२ लाख ७७ हजार रुपैयाँ खुद ब्याज आम्दानी गरेको संस्थामा प्रोभिजन रकम भने चार करोड ६६ लाख ८७ हजार रुपैयाँ रहेको थियो । उक्त अवधिमा तीन दशमलव ९१ प्रतिशत कर्जा निष्क्रिय रहेको संस्थाको स्प्रेडदर भने सात दशमलव ६० प्रतिशत रहेको थियो ।