बाल सुधार गृह वीरगन्ज तनावग्रस्त

काठमाडौँ । मंगलबार बेलुका वीरगन्जस्थित बाल सुधार गृहमा दुई पक्षबीच झडप हुँदा ३ प्रहरी र ११ जना कैदी बन्दी घाइते भएका छन् । भक्तपुरबाट केही समयअघि उक्त बालसुधार गृहमा लगेका कैदी बन्दीसहित १४९ जना कैदी बन्दी रहेका छन् । वीरगन्जमै रहेका केदी बन्दी र भक्तपुरबाट गएका कैदी बन्दीबीच पटक पटक झडपहुँदा बाल सुधार गृह वीरगन्ज तनावग्रस्त भएको छ ।

पर्साका प्रहरी उपरीक्षक कोमल साहले बुधबार बिहान स्थिति सामान्य भए पनि प्रहरीहरूको सुरक्षा सतर्कता कडा बनाएको जानकारी दिएका छन् । बाल सुधार गृहमा तोडफोड र प्रहरीमाथि ढुंगामुढा गर्नुका साथै भक्तपुरबाट गएका कैदीहरूले त्यहाँका नाइकेमाथि पनि आक्रमण गरेका छन् । स्थानीय अस्पतालमा घाइतेहरूको उपचार भइरहेको प्रहरीले जनाएको छ ।