Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठअटो बजारनाडाको नयाँ कार्यसमिति निबिरोध निर्वाचित, करण चौधरी बने कान्छा अध्यक्ष

नाडाको नयाँ कार्यसमिति निबिरोध निर्वाचित, करण चौधरी बने कान्छा अध्यक्ष


काठमाडौँ । नाडा अटोमोबाइल्स् एसोसिएसन अफ नेपालको नयाँ कार्यसमिति निर्बिरोध निर्वाचित भएको छ । अध्यक्षमा करण चौधरी निर्विरोध निर्वाचित भएका छन् । चौधरी अध्यक्ष भए सगै नाडाको अध्यक्षमा कान्छा युवा अध्यक्ष भएका छन् ।

त्यस्तै, १७ सदस्यीय कार्यसमिति सदस्यमा सबै निर्विरोध भएका छन् । निर्विरोध निर्वाचित हुने सदस्यहरुमा आकाश गोल्छा, राजन श्रेष्ठ, निराकर श्रेष्ठ, सुरेन्द्रकुमार उप्रेती, विक्रम सिंघानिया,मिलनबहादुर मल्ल, सौरभ थापा छन् । त्यस्तै, अन्य सदस्यहरुमा पंकज अग्रवाल,सुनिल रिजाल,यमुना श्रेष्ठ, प्रदिपमान प्रधान, प्रकाश कपुरी, दीपेन्द्र मिश्र,नवराज भुषाल, कपिल शिवाकोटी, रिद्दि कार्की र सन्जय खेतान छन् ।

त्यस्तै, ७ वटै प्रदेशमा सदस्यहरु निर्विरोध निर्वाचित भएका छन् । निर्विरोध निर्वाचित हुनेमा कोसीबाट मोरङ अटोमोवाल्स् डिलर्स एसोसिएसनका सञ्जयकुमार श्रेष्ठ, मधेशबाट जानकी अटोमोवाइल्स् एसोसिएसन अफ नेपालका तेजनारायण साह, वाग्मती प्रदेशबाट चितवन अटोमोवाइल्स् एसोसिएसनका कुलबहादुर क्षेत्री रहेका छन् ।

त्यस्तै, गण्डकीबाट वेस्टर्न अटोमोवाइल्स् डिलर्स एसोसिएसनका कृष्णप्रसाद श्रेष्ठ, लुम्बिनि प्रदेशबाट लुम्बिनी अटोमोवाइल्स् एसोसिएसन् अफ नेपालका गणेश प्रसाद भट्टराई, कर्णाली प्रदेशबाट कर्णाली अटोमोवाइल्स् एसोसिएसन् नेपालका भद्र भण्डारी र सुदुरपश्चिमबाट फार वेस्टर्न अटोमोवाइल्स् डिलर्स एसोसिएसनका पुष्कर राज ओझा निर्विरोध निर्वाचित भएका हुन् ।


क्याटेगोरी : अटो बजार, समाचार

तपाईको प्रतिक्रिया

ताजा अपडेट