बचतकर्ताको रकम हिनामिना गरेको आरोपमा इमेज सहकारीकी लक्ष्मी सेन पक्राउ

बचतकर्ताको रकम हिनामिना गरेको आरोप बागलुङस्थित इमेज बचत तथा ऋण सहकारी संस्थाका कोषाध्यक्ष २७ वर्षीया लक्ष्मी सेन सुनार पक्राउ परेकी छन् ।बचतकर्ताको रकम हिनामिना गरेर उनीसहितका सहकारीका सञ्चालक फरार थिए ।

खोजी गर्ने क्रममा नेपाल प्रहरीको केन्द्रीय अनुसन्धान ब्युरो (सीआईबी)को टोलीले सुनारलाई ललितपुर महानगरपालिका–३, धोबिघाटबाट बिहीबार पक्राउ गरेको हो ।