पालुङटारलाई दूध र मासुमा आत्मनिर्भर बनाइने
गोरखा , गोरखाको पालुङटार नगरपालिकालाई दूध र मासुमा आत्मनिर्भर बनाइने भएको छ । यसका लागि यस आर्थिक वर्षमा ५५ लाख रुपैयाँ विनियोजन गरेर विभिन्न कार्यक्रम अघि बढाएको छ ।नगरपालिकामा पशु शाखा प्रमुख रामप्रसाद देवकोटाका अनुसार कृषक समूहलाई ५० प्रतिशत अनुदानमा गाईभैँसी वितरण गरिएको छ । जसमा चार वटा समूह छनोट भएर तीन समूहलाई गाई र एउटा समूहलाई भैँसी प्रदान गरिएको छ ।
पालुङटार–७ स्थित जुरीखोला बहुउदेश्यीय कृषक समूह, खहरे उद्यमशील युवा कृषक समूह र पालुङटार–९ स्थित सफल पशुपंक्षी किसान समूहले अनुदानमा गाईभैंसी पाए । समूहलाई मूर्रा जातको भैंसी र जर्सी एवं होलस्टिन फ्रिजियन जातको गाई वितरण गरिएको हो ।
सफल पशुपंक्षी समूहमा आवद्ध कृषकको संख्या धेरै भएकाले यो समूहलाई एउटा गाई र एउटा भैँसी दिइएको पशु शाखा प्रमुख देवकोटाले जानकारी दिए ।
अन्य समूहले एक÷एक वटा गाई प्राप्त गरेका छन् । गाईको हकमा अधिकतम् ४० हजार र भैंसीको हकमा अधिकतम् ६० हजार रुपैँया अनुदान रकम उपलब्ध गराइएको उनले बताए ।यसैगरी पालुङटार–७ स्थित जुडीखोला बहुउद्देश्यीय समूह र खहरे कृषक समूहलाई चिलिङ भ्याट खरिदका लागि १५ लाख रुपैयाँ र पालुङटार–६ को सुनौलो बाख्रापालन समूहलाई दुई वटा बोयर बोका वितरण गरिएको देवकोटाले बताए ।यस्तै, नगरपालिकाले गोठ सुधार, औषधि र घाँसका लागिसमेत अनुदान उपलब्ध गराउँदै आएको छ । औषधि र घाँसका लागि बार्षिक २५ हजारका दरले अनुदान उपलब्ध गराइएको उनले जानकारी दिए ।
क्याटेगोरी : समाचार
ताजा अपडेट
- सरकारलाई असफल हुने छुट छैन : सञ्चारमन्त्री गुरुङ
- चितवनमा ६४ जनामा डेङ्गु सङ्क्रमण
- चारवटा प्रदेशमा भारी वर्षा हुने
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया