गण्डकीका मुख्यमन्त्री अधिकारीले आज विश्वासको मत लिँदै
पोखरा । गण्डकीका मुख्यमन्त्री खगराज अधिकारीले आज विश्वासको मत लिँदै छन् । प्रदेशसभा सचिवालयमा उनले विश्वासको मतको प्रस्ताव पेस गर्ने जानकारी गराइसकेका छन् । उनको विश्वासको मतको प्रस्ताव कार्यसूचीमा चढिसकेको सचिवालयले जनाएको छ ।
आज दिउँसो ३ बजेका लागि बैठक डाकिएको हो । एमाले र माओवादीले संसदीय दलको बैठक बसेर मुख्यमन्त्रीलाई विश्वासको मतको पक्षमा मतदान गर्न ह्वीप जारी गरेका छन् । दुबै पार्टीको शनिबार सम्पन्न बैठक संसदीय दलको कार्यालयमा बसेको हो ।
माओवादीले पनि सातै सांसदलाई ह्वीप जारी गरेको प्रमुख सचेतक कुसुम बुढाले जानकारी दिइन् ।
यसैबीच गण्डकीमा निर्णायक शक्ति मानिएको राप्रपाको सरकारलाई समर्थन नगर्ने अडान यथावत छ ।
प्रदेश स्तरीय नेताहरुले विश्वासको मत दिन सक्ने संकेत गरिरहँदा केन्द्रबाट कुनै निर्णय भएको छैन । नेताहरुले केन्द्रकै निर्णय कुरेर बसेको बताइरहेका छन् ।
प्रतिपक्षी दल नेपाली कांग्रेसले आजैका लागि दलको बैठक बोलाएको छ । बैठकबाट मुख्यमन्त्री अधिकारीको विपक्षमा मतदान गर्न ह्वीप जारी गर्ने कांग्रेसको तयारी छ ।
गण्डकीको संसद ६० सिटको छ । जसमा सत्ता गठवन्धनमा एमालेको २२, माओवादी केन्द्रको सभामुखसहित आठ सांसद र स्वतन्त्र सांसद राजीव गुरुङ अर्थात दीपक मनाङ्गे छन् । हालसम्म विपक्षमा कांग्रेस २७ र राप्रपा दुई सांसद छन् ।
गण्डकीमा माओवादीका कृष्ण धिताल सभामुख छन् । सर्वोच्च अदालतको पछिल्लो फैसलाले गण्डकीको बहुमत ३० कि ३१ भन्नेमा विवाद छ ।
अधिकारी सरकार अदालतको फैसलालाई टेकेर अघि बढ्ने मनस्थितिमा छ । जसमा एमाले २२, माओवादी केन्द्र ७ र स्वतन्त्र सांसद मनाङे गरी ३० हुन्छ र अधिकारी सरकारलाई टुपुक्क बहुमत पुग्छ ।
क्याटेगोरी : राजनिति, समाचार, गण्डकी प्रदेश
ताजा अपडेट
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
- भारतमा नरेन्द्र मोदीको लोकप्रियता र ध्रुवीकरणको एक दशक
- अरूको ‘परिचय चोरेर’ उत्तर कोरियालीहरूलाई अमेरिकी कम्पनीमा कसरी दिइयो जागिर
- नेपालको विकासमा रूसको ठूलो सहयोग छ: उपप्रधानमन्त्री श्रेष्ठ
- प्रहरी चौकीसंगै रहेको हनुमानथानबाट हनुमानको मुकुट चोरी !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया