यी हुन आज शेयर बजारबाट सबैभन्दा धेरै कमाउने दश कम्पनी

काठमाडौं । कारोबार हुने साताको चौथो दिन शेयर बजार परिसूचक सामान्य अंकले घटेर बजार बन्द भयो । परिसूचक शून्य दशमलव २१ अंकले घटेर आजको कारोबार बन्द भएको छ । आज कारोबार भएका कम्पनी मध्ये एक सय २४ कम्पनिको शेयर मूल्य बढेको छ ।
अघिल्लो दिन सामान्य बढेको बजार आज फरि ऋणात्मक भएको हो ।

आज कारोबार गरेका मध्ये इन्फिनिटी लघुवित्त वित्तीय संस्था लिमिटेडको शेयर मूल्य झण्डै १० प्रतिशतले वृद्धि भयो । यो कम्पनिको शेयर मूल्य ९.९ प्रतिशत अर्थात १२७ रुपैयाँ ९० पैसाले बढेको हो । त्यस्तै कारोबार ऋणात्मक भएको दिन आज डोल्टी पावर कम्पनी लिमिटेडको शेयर मूल्य पनि ९ प्रतिशत भन्दा धेरैले बढेको छ । यो कम्पनिको शेयर मूल्य ९.७४ प्रतिशतले अर्थात ४१ रुपैयाँले बढेको छ ।

त्यस्तै समता घरेलु लघुवित्त वित्तीय संस्था लिमिटेडको शेयर मूल्य ९.६७ प्रतिशत अर्थात प्रतिकिता ८५ रुपैयाँल बढेको छ भने ग्रामीण विकास लघुवित्त वित्तीय संस्था लिको शेयर मूल्य ८.२१ प्रतिशत अर्थात ५७ रुपैयाँले बढेको छ । त्यसैगरी श्रीजनशील लघुवित्त वित्तीय संस्था लिमिटेडको शेयर मूल्य पनि ७.४५ प्रतिशत अर्थात ८७ रुपैयाँ ९० पैसाले बढेको छ ।

महुली लघुवित्त वित्तीय संस्था लिमिटेडका शेयर धनीले पनि आज ७.२० प्रतिशत अर्थात प्रतिकिता ८५ रुपैयाँले नाफा आर्जन गरेका छन् । यता माथिल्लो मेलुन खोला जलविद्युत लिमिटेडको शेयर मूल्य पनि ७.०७ प्रतिशत अर्थात प्रतिकिता २९ रुपैयाँले बढेको छ । त्यस्तै आज एनएमबी लघुवित्त वित्तीय संस्था लिमिटेडका शेयर धनीहरुले पनि प्रतिकिता ४४ रुपैयाँ ६.८८ प्रतिशतले कमाएका छन् ।

त्यस्तै नेपाल फाइनान्स लिमिटेडका शेयर धनीले पनि प्रतिकिता ३३ रुपैयाँ अर्थात ६.६० प्रतिशतले कमाएका छन् । त्यस्तै मनकामना स्मार्ट लघुवित्त वित्तीय संस्था लिमिटेडको शेयर मूल्य पनि आज ६.३६ प्रतिशत अर्थात ६३ रुपैयाँ ६० पैसाले बढेको छ ।