सोलुखुम्बु,चैत १७
सोलुखुम्बुको लुक्ला क्षेत्रबाट दुई सयभन्दा बढी पर्यटकको उद्धार गरिएको छ । शुक्रबार र शनिबार गरेर अहिलेसम्म दुई सय ११ विदेशीसहित दुई सय १७ जनाको उद्धार गरिएको छ । शनिबार मात्रैएक सय ७३ जना विदेशी पर्यटकको उद्धार गरिएको थियो । शनिबार विभिन्न एयरलाइन्सका १४ उडानबाट उनीहरूलाई उद्धार गरिएको हो । शनिबार एक सय ७३ जना विदेशी र ५ जना नेपालीलाई उद्धार गरि काठमाडौँ लगिएको नागरिक उड्डयन प्राधिकरण लुक्लाका प्रमुख इमानाथ अधिकारी जानकारी दिए । शनिबार नेपाल वायुसेवा निगमको जहाजले ५ वटा उडानबाट १ जना नेपालीसहित ७० जना यात्रुलाई काठमाडौँ लगेको हो । त्यस्तै तारा एयरलाइन्सले चारवटा उडानबाट ५४ जना विदेशीलाई काठमाडौँ पु¥याएको अधिकारीको भनाइ छ । सिता एयरलाइन्सको दुई उडानबाट २८ जना, सिम्रिकको एक उडानबाट तीन नेपालीसहित १७ जनालाई काठमाडौँ लगिएको छ अधिकारीको भनाइ छ । यस्तै कैलास एयरका हेलिकप्टरले दुई उडानमा एक नेपालीसहित ९ जनालाई काठमाडौँ लगेको छ । अझै पनि खुम्बु क्षेत्रमा केही पर्यटक रहेको जनाइएको छ । उनीहरूलाई पनि क्रमिकरूपमा उद्धार गरिने जनाइएको छ । आकस्मिकरूपमा नेपाललाई लगडाउन गरिएपछि खुम्बु क्षेत्र भ्रमणका लागि आएका पर्यटक यहीँ अलपत्र परेका थिए । सदरमुकाम सल्लेरीमा अलपत्र परेका ६ जना विदेशी पर्यटकलाई उद्धार गरी काठमाडौँ पठाइएको छ ।
तीन साताअघि नेपाल भ्रमणमा आएका उनीहरू नेपाल लकडाउन भएपछि सल्लेरीमानै अलपत्र परेका थिए । स्पेन, पोल्याण्ड, अमेरिका, फ्रान्स, क्यानाडा र भारतका ६ जना नागरिकहरू लकडाउनका कारण सल्लेरीमै अलपत्र परेको भन्दै प्रशासन कार्यालयमा आएको सहायक प्रमुख जिल्ला अधिकारी लक्ष्मीकुमारी शाहीले जानकारी दिइन् । आफूहरूसँग भएको खर्चसमेत सकिएकाले थप समस्या भएको भन्दै शुक्रबार जिल्ला प्रशासन कार्यालय सोलुखुम्बुमा उद्धारको लागि आग्रह गरेका थिए । जिल्ला प्रशासन कार्यालय सोलुखुम्बुको समन्वय तथा सोलुदुधकुण्ड नगरपालिकाका मेयर नाम्गेल जाङ्बु शेर्पाको पहलमा शनिबार उनीहरूलाई सडक मार्ग हुँदै काठमाडौँ पठाइएको हो । यता लुक्लामा अलपत्र परेका पर्यटक गाइडहरूले उद्धारका लागि नेपाल सरकारलाई अनुरोध गरेका छन् । विभिन्न देशका पर्यटकहरूलाई लिएर सगरमाथा क्षेत्र खुम्बु गएका गाइडहरूले कोरोना भाइरसका कारण नेपाल लक डाउन भएपछि आफूहरू अलपत्र परेको बताएका छन् । लुक्लामा रहेका ३२ जना गाइडले सरकार र सरोकारवाला निकायलाई संयुक्त पत्र लेख्दै आफूहरूलाई चाँडोभन्दा चाँडो उद्धार गर्न माग गरेका हुन् । नेपाली गाइडको तर्फबाट रमेश तामाङले पर्यटन मन्त्रालय, नेपाल पर्यटन बोर्ड, ट्रेकिङ एजेन्सिज एसोसिएसन अफ नेपाल (टान) र खुम्बु पासाङल्हामु गाउँपालिकाको नाममा पत्र लेख्दै काठमाडौँं फर्कने व्यवस्था गरिदिन आग्रह गरेका हुन् ।
क्याटेगोरी : समाचार
ताजा अपडेट
- ‘सर्वोच्चको फैसलाविरुद्ध तत्काल पुनरावलोकनमा जानुपर्छ’
- लेदो माटोले नौबिसे नागढुङ्गा सडक दुईतर्फि अवरुद्ध
- ‘हेलो सरकार, खाजा खाएर कर्मचारी फर्किएनन्’
- सिरियामा विभिन्न ठाउँमा इजरेली हवाई आक्रमण, कम्तीमा १६ जनाको मृत्यु
- सौर्य एअरलाइन्सको विमान दुर्घटना जाँच आयोगको प्रारम्भिक प्रतिवेदनले उठाएका प्रश्न र गरेका सिफारिस
- आगामी १५ दिन सम्मका लागि बन्दीपुर केबलकार बन्द
- ‘तटीय क्षेत्रसम्बन्धी फैसालाको पुनरावलोकनमा जान विलम्ब नगरौँ’
- ‘मुलुकलाई अस्थिरताबाट जोगाउन कांग्रेस–एमाले गठबन्धन भएको हो’
धेरैले पढेको
- भौतिक मन्त्रालयकै पूर्वसहसचिव घुस दिएर ‘लाइसेन्स’ लिन बाध्य
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया