Techie IT
×
गृहपृष्ठसमाचारखुम्बुका व्यवसायीलाई खाद्यान्न सामग्रीको म्याद सकिने चिन्ता

खुम्बुका व्यवसायीलाई खाद्यान्न सामग्रीको म्याद सकिने चिन्ता


सोलुखुम्बु,चैत २४
लकडाउनका कारण खुम्बु क्षेत्रमा खाद्यन्न सङ्कट नहुने त्यसक्षेत्रका व्यवसायीहरूले बताएका छन् । पर्यटकीय सिजनलाई लक्षित गरी दैनिक उपभोग्य वस्तुको ढुवानी गरी भण्डारण गरिसकेकाले उपभोग्य वस्तुको अभाव नहुने नाम्चेका व्यवसायी लामाकाजी शेर्पाले बताए । पर्यटकलाई लक्षित गरी ढुवानी गरिएकाले स्थानीयलाई खाद्यान्नको अभाव नहुने उनको भनाइ छ । उनका अनुसार पर्यटकीय सिजनलाई लक्षित गरी खुम्बु क्षेत्रका अधिकांश होटल तथा पसलहरूले यसअघि नै खाद्यान्न सामग्रीहरू भण्डारण गरिसकेका थिए । सिजनको सुरुमै कोरोनाका कारण पर्यटक आउन नसक्दा ती खाद्य वस्तुहरू मौजात रहेका छन् । कतिपय खाद्य वस्तुहरू उपभोग गर्न नसक्दा म्यादसमेत सकिने चिन्ता बढेको अर्का व्यवसायी ङातेम्बा शेर्पाको भनाइ छ ।

आपूmहरूले पर्यटक लक्षित गरी ढुवानी गरेको भए पनि अहिले कोरोनाले पर्यटक नआएकाले खाद्यान्नको म्याद गुज्रिने चिन्ता बढेको उनले बताए । विदेशीका लागि ल्याइएका चक्लेट तथा क्यानका खानेकुराहरूको म्याद अत्यन्तै कम हुने भएकाले त्यस्ता सामग्रीहरू त्यतिकै खेर जाने उनले चिन्ता व्यक्त गरेका छन् । यसरी हेर्दा खुम्बुमा खाद्यान्न अभावभन्दा पनि खाद्यान्न खेरे जाने हो कि भन्ने चिन्ता बढेको व्यापारिहरूको भनाइ छ ।म्याद गुज्रिनुभन्दा पहिले नै यो सामान बिक्री हुने सम्भावना कम भएकाले पनि थप समस्या हुने व्यापारीले बताउने गरेका छन् । खुम्बुमा पर्यटकीय सिजनमा पर्यटक भरिया तथा गाइडहरूका लागि चामल, दाल, चिनी, नुन, तेललगायतका समग्रीहरू समेत मौजात गरेका थिए । तर, सिजन अगावै देश लक डाउन हुदा अधिकांश खाद्य वस्तुहरू बाँकी रहेको लुक्लाका जाङबु शेर्पाले बताए । लगानी नै ढुब्ने अवस्थामा पुगेको उनले गुनासो गरे ।



तपाईको प्रतिक्रिया