अफगानिस्तानमा लगानी गर्न तालिबानको अनुरोध

अफगानिस्तान । कतारलाई आफ्नो देशमा लगानी गरिदिन अफगानिस्तानको तालिबान सरकारले आग्रह गरेको छ । तालिबानका प्रवक्ता जबीउल्लाह मुजाहिदले अफगानिस्तानमा लगानी बढाउन र अन्तर्राष्ट्रिय समुदायसँग सम्बन्ध सुधारका लागि सहयोग गर्न आग्रह गरेका हुन् ।

अफगानिस्तानको कान्दाहार भ्रमणमा रहेका कतारका प्रधानमन्त्री शेख मोहम्मद बिन अब्दुलरहमान अल थानीलाई कतारका प्रवक्ताले यस्तो आगैह गरेका हुन् ।

अफगानिस्तानी सरकारका प्रवक्ताले कतारलाई यसअघि दिँदै आएको सहयोग यथावत राख्न र विश्वका अन्य देशमा रहेको आशंका हटाउन कूटनीतिक भूमिका अ‍ेल्न आग्रह गरेको बताएका छन् ।

यसैबीच कतारको विदेश मन्त्रालयले विज्ञप्ति जारी गर्दै प्रधानमन्त्री शेख मोहम्मदले अमेरिकी विदेशमन्त्री विदेशमन्त्री एन्टोनी ब्लिन्केनसँग कुरा गरी द्विपक्षीय सम्बन्ध र अफगानिस्तानको अवस्थाबारे छलफल गरेको बताएको छ ।

कतारले अमेरिका र तत्कालीन इस्लामिक इमिरेट्सको राजनीतिक कार्यालयबीच शान्ति वार्ताको आयोजना गरेको थियो । त्यसपछि अमेरिका र तालिबानबीच शान्ति सम्झौता भएको थियो ।

कतारको आफ्नो मुख्य चासो क्षेत्रीय मध्यस्थकर्ताको रूपमा बलियो बनाउ खोजेको देखिन्छ । सन २०१३ मा कतारले बाराक ओबामाको नेतृत्वमा अमेरिकी प्रशासनको सहयोगमा तालिबानलाई दोहामा कार्यालय खोल्न अनुमति दिएपछि कतार र तालिबानबीचको सम्बन्ध सुरु भएको थियो ।