Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारआरोप राफसाफ नभएसम्म संसद चल्न दिन्नौं : सुवास नेम्वाङ

आरोप राफसाफ नभएसम्म संसद चल्न दिन्नौं : सुवास नेम्वाङ


काठमाडौं। शुक्रबार संसद बैठक शुरु हुनासाथ एमाले सांसदहरुले उभिएर बैठक अवरोध गरेका हुन्।पार्टी अध्यक्ष केपी शर्मा ओलीमाथि पशुपतिनाथमा सुनको जलहरी भनेर पित्तलको जलहरी चढाइएको आरोप लगाएको भन्दै नेकपा एमालेले प्रतिनिधिसभा बैठक अवरोध गरेको हो।

एमाले सांसदहरुले आधारहीन आरोप लगाउने सांसदमाथि कार्बाही र संसदीय रेकर्डबाट नहटाएसम्म अवरोध कायमै राख्ने बताए । एमाले प्रमुख सचेतक पदम गिरीले प्रमुख प्रतिपक्षी दलका अध्यक्षमाथि लागेको आरोपबारे प्रष्ट निर्णय नभएसम्म बैठक चल्न नदिने अडान लिएका छन् ।

सुवास नेम्वाङले भ्रष्टाचार भएमा कार्बाही गर्न सक्ने सत्तारुढबाटै प्रमुख प्रतिपक्षमाथि आधारहीन आरोप लगाइएको बताए । ’मैले तीन पटक सुनेँ । सुनको जलारीको नाममा पशुपतिनाथमा पित्तलको जलारी चढाएर भ्रष्टाचार गर्ने काम गरेको छ । पार्टीको नेतामाथि यस्तो आरोप लागेको छ’, नेम्वाङले भने । उनले यो आरोप राफसाफ नभएसम्म संसदीय प्रक्रियामा सहभागी हुन नसकिने बताए।

एमाले नेताहरुले उभिएर संसद अवरोध गरिरहेकै बेला सभामुख घिमिरेले माओवादी केन्द्रका हितराज पाण्डेलाई बोल्ने समय दिएका थिए। त्यसपछि एमाले सांसदहरुले रोष्टममै गएर नाराबाजी गर्न थालेपछि सभामुख घिमिरेले २० मिनेटका लागि बैठक स्थगित गरे।

 


क्याटेगोरी : समाचार

तपाईको प्रतिक्रिया

ताजा अपडेट