नेपालको समग्र हितको रक्षापछि मात्र संसदको गतिरोध अन्त्य हुन्छ : ओली

काठमाडौं । प्रमुख विपक्षी दलका नेता केपी शर्मा ओलीले नेपालको समग्र हितको रक्षापछि मात्र संसदको गतिरोध अन्त्य हुने बताएका छन् । प्रधानमन्त्रीले भारत भ्रमणका क्रममा दिएको अभिव्यक्तिलगायतका विषयमा सदन अवरुद्धपछि संसद भवन बाहिर ओलीले संक्षिप्त प्रतिक्रिया दिएका हुन् ।

‘राष्ट्रको रक्षा, संविधानको रक्षा, भूमिको रक्षा, राष्ट्रिय स्वाभिमानको रक्षा, नेपालको समग्र हितको रक्षापछि सेटल हुनेछ ।’ उनले पत्रकारसँग भनेका छन् । प्रतिपक्षी दलको विरोधका कारण संघीय संसदको दुई सदनको बैठक अवरुद्ध भएको थियो ।