सिंगापुर पठाउँछु भन्दै ३९ जना ठगी गर्ने सुजन आचार्य फरार
काठमाडौं । आफूलाई नेपालकै कान्छो पत्रकार भनेर चिनाउने उदयपुर त्रियुगाका सुजन आचार्यले सिंगापुर पठाउँछु भन्दै ३९ जना ठगेको पाइएको छ । आचार्यले आफ्नै प्रेमिका बिनु शाक्य र सानिमाको छोरा (भाइ) सृजन निरौलाको प्रयोग गरी ठगेको पीडितहरूले सोमबार पत्रकार सम्मेलन गरी जानकारी गराएका छन् ।
आचार्यले सिंगापुरमा आफ्नै कम्पनीमा प्रतिमहिना चार लाखभन्दा बढी तलब हुने र सोहीअनुसार अन्य सुविधासहित रोजगारी दिने आश्वासन दिएर २०७९ सालमा आफूहरूसँग प्रतिव्यक्ति पाँच लाख रुपैयाँदेखि २० लाखसम्म असुलेको पीडितहरूको दाबी छ ।
पीडितहरूका अनुसार चैत्र २६ गते पक्राउ पुर्जी जारी हुँदा समेत भाग्न सफल भएका आचार्यसँग अन्य व्यक्तिहरू समेत पीडित भएको र उनले सबैसँग गरी कुल १० करोड रुपैयाँ ठगी गरेको दाबी गरे । पीडितहरूमध्ये धेरैले सुजनकी प्रेमिका भनिने बिनु शाक्यको नेपालस्थित इन्भेष्टमेन्टको बैंक खातामा पैसा हालिदिएको उनीहरूको दाबी छ । हाल बिनु सिंगापुरमै लुकेर बसेको उनीहरूको भनाइ छ । पक्राउ पुर्जी जारी भएपछि सुजनका सानिमाका छोरा (भाइ) सृजनलाई भने प्रहरीले पक्राउ गरिसकेको छ ।
नेपालका नेता, मन्त्री, व्यवसायी पुलिसलाई आफूले पैसा दिएर पाल्ने गरेको दाबी गर्ने आचार्यले आफूलाई नेपालका प्रहरीले पक्राउ गर्न नसक्ने भनेर उल्टै पीडितहरूलाई नै धम्काउन थालेको समेत पीडितहरूले बताए । आचार्य केही समयअघि मात्र एक नेपाली मोडलसँग सात करोडको बार्गेनिङ गरेको आरोपमा अदालतमा मुद्दा खेपिरहेका छन् ।
क्याटेगोरी : समाचार
ट्याग : #Page 1
ताजा अपडेट
- प्रमुख प्रतिपक्षसहितका दलहरूले राष्ट्रपति भेटे
- रसुवागढी र तातोपानी नाका अझै ठप्प, नेपाल-चीन व्यापारमा ठूलो घाटा
- सरकारका १०० दिन : ‘सहकारी ठगलाई कारबाहीदेखि विपद्पछि राहतको कामसम्म’
- कांग्रेस र एमाले मिलेर बनेको सरकार ढल्ने दिवा सपना कसैले नदेखे हुन्छ: प्रधानमन्त्री
- सहकारीको रकम ठगी गर्ने भ्रष्टाचारीमाथि कारबाही हुन्छ: प्रधानमन्त्री
- काभ्रेमा सञ्चालित एक सय खानेपानी आयोजनाको एक अर्ब बराबरको क्षति
- पुन: खुम्चियो शेयर बजार
- धनराजको समर्थनमा डा.शेखर र डा. सुनील शर्मा !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया