लागुऔषध दुर्व्यसन र साइबर अपराध रोक्न सचेतना अभियान

काठमाडौं । पछिल्लो समय सामाजिक विकृतिको रूपमा देखिएको लागुऔषध दुर्व्यसन र साइबर अपराध रोक्न जिल्ला युवा समिति दोलखाले चासो देखाएको छ । समितिले जिल्ला प्रशासन कार्यालयको सहकार्यमा लागुऔषध दुर्व्यसन र साइबर अपराधबारे बुधबार सदरमुकाम चरिकोटमा चेतनामूलक कार्यक्रम गरेको छ ।

कार्यक्रममा कालिञ्चोक माध्यमिक विद्यालयका कक्षा ८, ९ र १० मा अध्यनरत दुई सय ५३ जना विद्यार्थीलाई लागुऔषध दुव्र्यसन र साइबर अपराध रोक्ने उपाय र सन्देशका विषयमा जानकारी गराइएको थियो । सहभागीलाई पशुपति चौँलागाई स्मृति अस्पतालका प्रमुख ज्ञानेश्वर श्रेष्ठले लागुऔषधले पार्ने असर र बच्ने उपायका बारेमा जानकारी गराएका थिए । किशोर अवस्थाका बालबालिका धेरै मात्रामा लागुऔषधमा फस्ने गरेको उनले उल्लेख गरे । यस्तै, जिल्ला प्रहरी कार्यालय दोलखाका प्रहरी निरीक्षक धर्मेशकुमार यादवले साइबर अपराध भनेको के हो ? साइबरअन्तर्गत पर्ने कुराहरू र यसबाट बच्न ध्यान दिनुपर्ने कुराको बारेमा प्रशिक्षण दिएका थिए । उनले लागुऔषध नियन्त्रणसम्बन्धी कसुर र सजायहरूको बारेमा पनि जानकारी गराएका थिए ।

साइबर अपराध र सहरमा बस्ने युवाहरूमा बढ्दो लागुऔषध दुव्र्यसनी रोक्न सचेतनामूलक कार्यक्रम आयोजना गरिएको जिल्ला युवा समिति दोलखाका अध्यक्ष भरत श्रेष्ठले जानकारी दिए ।