काठमाण्डौं,वैशाख ५
बैंक तथा फाइनान्स कम्पनीहरुको निक्षेप तथा कर्जा खाताको संख्या बढेको छ । नेपाल राष्ट्र बैंकका अनुसार सरकारले वित्तीय पहुँच विस्तार गर्ने उद्देश्यसहित सबै नेपालीको बैंक खाता अभियान सञ्चालन गरेपश्चात् निक्षेप तथा कर्जा खाताको संख्या बढेको हो ।
सोही आधारमा चालू आर्थिक वर्षको सात महिनाको अवधिमा २७ वटा वाणिज्य बैंक, क्षेत्रीय तथा राष्ट्रियस्तरका समेत गरी २४ वटा विकास बैंक र २२ वटा फाइनान्स कम्पनीहरु सञ्चालनमा रहेका छन् । ती संस्थाहरुमा कुुल तीन करोड ११ लाख १२ हजार एक सय ९४ वटा निक्षेप खाता सञ्चालन हुुँदा कर्जा खाताको संख्या १४ लाख ९८ हजार चार सय ६७ मात्र रहेको छ ।
यस अवधिमा वाणिज्य बैंकहरुमा मात्र दुुई करोड ५६ लाख १९ हजार नौ सय ४९ वटा निक्षेप खाता सञ्चालनमा रहँदा कर्जा खाताको संख्या भने ११ लाख १३ हजार सात सय १९ रहेको छ ।
विकास बैंकहरुमा भने यस अवधिमा ४८ लाख ५५ हजार आठ सय ७२ वटा निक्षेप खाता सञ्चालनमा रहँदा कर्जा खाताको संख्या भने तीन लाख ३९ हजार नौ सय ८८ वटा मात्र रहेको छ । चालू आवको पछिल्लो छ महिनामा छ लाख ३६ हजार तीन सय ७३ वटा निक्षेप खाता सञ्चालनमा रहेकोमा कर्जा खाताको संख्या भने ४४ हजार सात सय ६० वटा मात्र रहेको छ ।
राष्ट्र बैंकका अनुुसार गत आवको सोही अवधिमा बैंकिङ क्षेत्रमा दुुई करोड ५६ लाख ५८ हजार तीन सय ८७ वटा निक्षेप खाता सञ्चालनमा रहेकोमा कर्जा खाताको संख्या १३ लाख ६० हजार तीन सय १४ वटा रहेको थियो । उक्त अवधिमा वाणिज्य बैंकहरुमा मात्र दुुई करोड नौ लाख ७८ हजार दुुई सय ६१ वटा निक्षेप खाता सञ्चालनमा रहेकोमा कर्जातर्फ नौ लाख ८७ हजार नौ सय ४२ वटा खाता सञ्चालनमा रहेका थिए । यसैगरी विकास बैंकतर्फ पनि ४१ लाख २७ हजार आठ सय १८ वटा निक्षेप खाता सञ्चालनमा रहेकोमा कर्जातर्फ तीन लाख ३१ दुुई सय ३३ वटा खाता सञ्चालनमा रहेका थिए । फाइनान्सतर्फ भने गत आवको छ महिनामा पाँच लाख ५२ हजार तीन सय आठवटा निक्षेप खाता सञ्चालनमा रहेकोमा कर्जातर्फ ४१ हजार एक सय ३९ वटा खाता सञ्चालनमा रहेको थियो ।
क्याटेगोरी : समाचार
ताजा अपडेट
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
- प्रदेशभित्रका सबै जिल्लामा एम्बुलेन्स सेवा विस्तार गर्ने
- जाजरकोट भूकम्प प्रभावितलाई अनुदान रकम उपलब्ध गराउन प्रधानमन्त्रीलाई ज्ञापन
- युरोपियन युनियनका राजदूतको परराष्ट्रमन्त्री डा. राणासँग शिष्टाचार भेट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया