दोलखा, पुस १४
चरिकोट कारागारमा रहेका कैदीबन्दीले कारागारमा तालाबन्दी गरेका छन् । कारागारमा रहेका नाइके कैदीले १५ लाख रूपैयाँ ठगी गरेको भन्दै अन्य कैदीहरूले आइतबार पैसा फिर्ताको माग गर्दै तालाबन्दी गरेका हुन् । चरिकोट कारागारमा रहेका एक सय आठ कैदीमध्ये नाइके, चौकीदार, भाइनाइके गरी ५ जना कैदी मिलेर अन्य एक सय तीन कैदीलाई कुटपिट गर्ने, गुणस्तरहीन खाना खुवाउने र पैसासमेत ठग्ने गर्न थालेपछि उनीहरूलाई स्थानातरणको माग गर्दै कैदीबन्दी आन्दोलनमा उत्रेका हुन् ।
उनीहरूले कारागारको मुख्य प्रवेशद्वारमा तालाबन्दी गरेको कारागार कार्यालय चरिकोटका निमित्त जेलर शेषराज गोलेले जानकारी दिए । कैदीको आन्तरिक प्रशासनमा भएको गडबडीविरुद्ध तालाबन्दी गरेको गोलेको भनाइ छ । चौकीदार र मुख्य नाइकेसहित ५ जनालाई जेलसरुवा र उनीहरूले ठगी गरेको करिब १५ लाख रूपैयाँ फिर्ताको माग राखेर तालाबन्दी गरेको कैदी अशोक केसीले बताए ।
कारागारलाई मन्दिर बनाइदिन्छु भनेर मुख्य नाइके कैलाश बस्नेतले विभिन्न बहानामा २० जना कैदीसँग करिब १५ लाख असुलेको अर्का कैदी विमल आचार्यले बताए । बस्नेतले कारागारभित्रै गाँजा र रक्सी सेवन गरेर अन्य कैदीलाई कुटपिट गरेको र गुणस्तरहीन खाना खुवाएकाले सहन नसकेर तालाबन्दी गर्नुपरेको कैदीहरूको भनाई छ । कुटाइ र थिचोमिचो रहेर बस्दाबस्दा खानामा समेत घोटाला गर्न थालेपछि प्रतिवादमा उत्रिनु परेको कैदी आचार्यको भनाइ छ ।
लाइब्रेरी बनाउन कैदीबीच संकलन गरिएको ८० हजार रकमसमेत मुख्य नाइके बस्नेतले गायब बनाएको कैदीको आरोप छ । एक सय आठमध्ये एक सय तीन जना कैदीले संयुक्त हस्ताक्षर गरेर कैलाश बस्नेत, ओमशरण थापा, कमल नेपाली, राजकुमार योगी र किशोर भण्डारी नामका कैदीलाई सरुवा र मुख्य नाइके बस्नेतले असुलेको करिब १५ लाख फिर्ता गर्नुपर्ने दुई बुँदे माग राखेका छन् । मुख्य नाइके बस्नेतले कारागारभित्र गाँजा भरेको चुरोटको व्यापार गर्नेगरेको समेत ती कैदीले आरोप लगाए ।
मेसले अनिवार्य गरेको अचार मात्र खाएको महिनाको तीन सय रूपैयाँको दरले असुल्ने, शरीरमा तेल मालिस गरेको, मुढा बनाएको, थान्का लेखेको, सिलाइकटाइ गरेको पारिश्रमिकसमेत मुख्य नाइके बस्नेतले कसैलाई नदिने गरेको कैदीहरूको भनाइ छ । दोलखाका प्रमुख जिल्ला अधिकारी भीमकान्त शर्मा पौडेलले मौजुदा परिस्थितिअनुसार कैदीबीच ज्यानकै जोखिम हुने देखिएकाले कैलाश बस्नेत, ओमशरण थापा, कमल नेपाली, राजकुमार योगी र किशोर भण्डारीलाई काठमाडौँ आसपासका कारागारमा स्थानान्तरण गरिएको बताए ।
क्याटेगोरी : बिबिध
ताजा अपडेट
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
- वनमन्त्री शाहीसँग भारतीय राजदूतको शिष्टचार भेट
- सर्पदंशका बिरामीको निःशुल्क उपचार गरिने
- मधेश प्रदेश लोकसेवा आयोगको अध्यक्षमा डा. यादव
- प्रदेशभित्रका सबै जिल्लामा एम्बुलेन्स सेवा विस्तार गर्ने
- जाजरकोट भूकम्प प्रभावितलाई अनुदान रकम उपलब्ध गराउन प्रधानमन्त्रीलाई ज्ञापन
- युरोपियन युनियनका राजदूतको परराष्ट्रमन्त्री डा. राणासँग शिष्टाचार भेट
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया