अपाङ्गता भएका व्यक्तिलाई कार्ड वितरण
काठमाडौं । जिल्लाको वैतेश्वर गाउँपालिकाले अपाङ्गता भएका व्यक्तिलाई कार्ड वितरण गर्न सुरु गरेको छ । पालिकाले क, ख, ग र घ वर्ग गरी चार किसिमका अपाङ्गता भएका व्यक्तिहरूको अपाङ्गताको अवस्था हेरेर वर्ग संशोधन तथा नयाँ कार्ड वितरण गरेको हो ।
पूर्ण अपाङ्गता भएर यसअघि ‘क’ वर्गको कार्ड लिएका करिब ४० जना व्यक्तिहरूको अपाङ्गता अवस्था जाँच गर्दा सुधार आएको देखिएकाले उनीहरूलाई वर्ग संशोधन गरेर डाक्टरको सिफारिस अनुसार ख, ग र घ मा संशोधन गरिएको गाउँपालिका अध्यक्ष छवि लामाले जानकारी दिए । त्यस्तै, पूर्णरूपमा अपाङ्गता भएर हिँडडुल गर्न नसक्ने तथा सहयोगीको भरमा बाँचिरहेका व्यक्तिहरूलाई पूर्ण अपाङ्ग कायम गरेर ‘क’ वर्गको रातो कार्ड वितरण गरिएको छ । पालिकाले आठ वडामा अपाङ्गता पहिचान शिविर नै राखेर कार्ड वितरण गरेको हो । शिविरमा दुई सय जनालाई कार्ड वितरण गरिएको थियो ।
गाउँपालिकाले अपाङ्गता भत्ताको दुरुपयोग भएको गुनासो बढेपछि शिविर आयोजना गरेर अपाङ्गता जाँच तथा पहिचान गरेको गाउँपालिकाकी उपाध्यक्ष कल्पना उप्रेतीले बताइन् । गाउँपालिकामा सबैभन्दा बढी ‘ख’ वर्गका अपाङ्गता रहेको पाइएको छ । अपाङ्गता भएका व्यक्तिको अवस्था पहिचान वैतेश्वर अस्पतालका डाक्टरहरू निरामिका पाठक र शिवनाथ यादवले गरेका थिए । शिविर सहभागी बन्न छुटेका व्यक्तिहरूलाई गाउँपालिकाबाट कार्ड वितरण गर्ने वैतेश्वर गाउँपालिकाले जनाएको छ । सरकारले पूर्णरूपमा अपाङ्गता भएका व्यक्तिहरूलाई क र ख मा राखेर मासिक चार हजार र दुई हजार रुपैयाँ भत्ता दिँदै आएको छ ।
क्याटेगोरी : पालिका समाचार, गाउँ पालिका
ट्याग : #Page 8
ताजा अपडेट
- तीन वर्षमा आयल निगम ४९ अर्ब घाटादेखि वार्षिक १० अर्ब रूपैयाँ नाफामा, तर नेपालमा किन मूल्य उल्लेख्य घटेन?
- प्यारिस ओलिम्पिक्स २०२४: पहिलोपटक रङ्गशालामा मात्र नभई सहरभरि उद्घाटन समारोह, यस्तो थियो रौनक
- चीनबाट ६५ अर्बको सामान आयात
- सरकारलाई असफल हुने छुट छैन : सञ्चारमन्त्री गुरुङ
- चितवनमा ६४ जनामा डेङ्गु सङ्क्रमण
- चारवटा प्रदेशमा भारी वर्षा हुने
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया