नियमविपरीत काम गर्ने विकास बैंक र फाइनान्स कम्पनी कारबाहीमा
काठमाडौं,नियमविपरीत काम गर्ने चार विकास बैंक र एउटा फाइनान्स कम्पनीलाई नेपाल राष्ट्र बैंकले कारबाही गरेको छ । राष्ट्र बैंकका अनुसार चालू आर्थिक वर्षको तेस्रो त्रैमासमा गरिएको गैरस्थलगत सुपरीवेक्षणको क्रममा तोकिएको अनिवार्य नगद मौज्दात र कर्जा तथा निक्षेप अनुपात कायम नगरेको पाइएपछि राष्ट्र बैंकले कारबाही गरेको हो ।
क्षेत्रीयस्तरको कर्पोरेट डेभलपमेन्ट बैंक, सालपा विकास बैंक, नारायणी डेभलपमेन्ट बैंक र सप्तकोशी डेभलपमेन्ट बैंक कारबाहीमा परेका हुन् । फाइनान्स कम्पनीमा मल्टीपर्पस फाइनान्स कम्पनी रहेको छ । कर्पोरेट डेभलपमेन्ट बैंकले गत मंसिरमा तोकिएको कर्जा निक्षेप अनुपात कायम नगरेको आधारमा एक लाख ९६ हजार दुई सय ६५ रुपैयाँ ३० पैसा हर्जाना लगाएको राष्ट्र बैंकले जनाएको छ ।
यसैगरी सालपा विकास बैंकले पनि तोकिएको कर्जा निक्षेप अनुपात कायम नगरेको पाइएपछि राष्ट्र बैंकले एक लाख १० हजार छ सय ६२ रुपैयाँ २६ पैसा जरिबाना लगाएको छ । नारायणी डेभलपमेन्ट बैंकलाई पनि सोही शीर्षकअन्तर्गत दुई लाख ५१ हजार तीन सय २४ रुपैयाँ ७३ पैसा हर्जाना लगाएको छ । सप्तकोशी डेभलपमेन्ट बैंकले पनि मंसिरमा तोकिएको कर्जा निक्षेप अनुपात कायम नगरेपछि १९ लाख ३६ हजार छ सय ३५ रुपैयाँ ५७ पैसा हर्जाना तिरेको छ ।
नारायणी डेभलपमेन्ट बैंक तोकिएको अनिवार्य नगद मौज्दात अनुपात कायम नगरेको आधारमा सबैभन्दा धेरै पटक कारबाहीमा परेको राष्ट्र बैंकले जनाएको छ । जसअन्तर्गत पहिलो पटक तीन हजार नौ सय ४८ रुपैयाँ ५३ पैसा, दोस्रो पटक ६३ हजार सात सय ८२ रुपैयाँ ७८ पैसा र तेस्रो पटक एक लाख आठ हजार सात सय ७० रुपैयाँ २१ पैसा हर्जाना लगाइएको राष्ट्र बैंकले जनाएको छ ।
मल्टीपर्पस फाइनान्सले पनि अनिवार्य नगद मौज्दात अनुपात कायम नगरेको पाइएपछि राष्ट्र बैंकले जरिबानासहित कारबाही गरेको हो । मल्टपर्पसले दुई हजार सात सय एक रुपैयाँ तीन पैसा जरिबाना तिरेको छ ।
क्याटेगोरी : सुलसुले
ट्याग : #Page 1, #page 2
ताजा अपडेट
- तीन वर्षमा आयल निगम ४९ अर्ब घाटादेखि वार्षिक १० अर्ब रूपैयाँ नाफामा, तर नेपालमा किन मूल्य उल्लेख्य घटेन?
- प्यारिस ओलिम्पिक्स २०२४: पहिलोपटक रङ्गशालामा मात्र नभई सहरभरि उद्घाटन समारोह, यस्तो थियो रौनक
- चीनबाट ६५ अर्बको सामान आयात
- सरकारलाई असफल हुने छुट छैन : सञ्चारमन्त्री गुरुङ
- चितवनमा ६४ जनामा डेङ्गु सङ्क्रमण
- चारवटा प्रदेशमा भारी वर्षा हुने
- पर्यटन नीति र कानुन समयानुकूल बनाइने छ: मन्त्री पाण्डे
- सौर्य एयरलाइन्सका चालक शाक्यको स्वास्थ्यमा सुधार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- राजेन्द्र विमल र हरिहर शर्मालाई पुरस्कृत गरिने
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया