ह्याम्स अस्पताल र द क्लिफबीच सम्झौता

काठमाडौं । नेपालको पर्यटन क्षेत्रमा एड्भेञ्चर हबको रूपमा रहेको द क्लिफ नेपाल र स्वास्थ्य सेवाको क्षेत्रमा चर्चित ह्याम्स अस्पतालबीच आफ्ना सेवा सुविधामा सहयोग गर्ने सम्झौता भएको छ । ह्याम्स अस्पतालका कर्मचारी तथा सदस्यलाई क्लिफमा र क्लिफका कर्मचारी तथा सदस्यलाई ह्याम्स अस्पतालका सेवा सुविधामा छुट दिने र एकअर्काको बजारीकरण गर्ने सम्झौतामा उल्लेख छ ।

अस्पतालका अध्यक्ष आरएस भण्डारी र क्लिफका अध्यक्ष राजु कार्कीले सम्झौतापत्रमा हस्ताक्षर गरेका हुन् । सम्झौताअनुसार ह्याम्स अस्पतालले क्लिफका कर्मचारी तथा सदस्यलाई ओपीडी तथा आईपीडी सेवामा १० प्रतिशत छुट, फार्मेसीमा पाँच प्रतिशत र हेल्थ चेकअप प्याकेजमा ४० प्रतिशत छुट दिने बताइएको छ । साथै, ह्याम्सले द क्लिफका कर्मचारी र सदस्यहरूको लागि हेल्थ अवारनेस प्रोग्राम गर्ने बताइएको छ । यस्तै, क्लिफले ह्याम्स अस्पतालका सदस्य तथा कर्मचारीलाई हरेक सेवा तथा सुविधामा १५ प्रतिशत छुट दिने बताइएको छ ।

द क्लिफले ह्याम्स अस्पताललाई मेडिकल पार्टनरको रूपमा बजारीकरण गर्ने सम्झौतामा उल्लेख छ । क्लिफमा हुने हरेक कार्यक्रममा ह्याम्स अस्पताललाई हेल्थ पार्टनरको रूपमा प्रवद्र्धन गरिनेछ । द क्लिफको वेवसाइटमा समेत ह्याम्स अस्पतालको लोगो राखिने सम्झौतामा उल्लेख छ । सम्झौतापश्चात् सामाजिक सञ्जालमार्फत गरिने विज्ञापनमा समेत ह्याम्स र क्लिफको प्रवद्र्धन गरिने बताइएको छ ।