बैंकिङ कसुर र चेक अनादर मुद्दामा दुई जना पक्राउ
काठमाडौं ।
बैैंकिङ कसुर र चेक अनादर मुद्दाका दुई जना फरार प्रतिवादी पक्राउ परेका छन् । महानगरीय अपराध महाशाखा मीनभवनका सूचना अधिकृत प्रहरी उपरीक्षक कृष्ण प्रसाद कोइरालाका अनुसार बैैैंकिङ कसुरसम्बन्धी मुद्दामा मणि कुमार थापा र चेक अनादर मुद्दामा नर्बदा उपाध्याय भण्डारी पक्राउ परेकी हुन् । सोमध्ये चेक अनादर मुद्दाकी फरार प्रतिवादी झापाको भद्रपुर न.पा.वडा नं. ५ स्थायी घर भई हाल भक्तपुरको सानो ठिमी बस्दै आएकी थिइन् । भण्डारीलाई २१ लाख रुपैयाँ चेक अनादर मुद्दामा पक्राउ गरिएको हो ।
उनीविरुद्ध काठमाडौं जिल्ला अदालतबाट वि.सं. २०७६ माघ २४ गते भएको २१ लाख रुपैयाँको चेक अनादर बिगो मुद्दामा दुई वर्ष कैद सजाय फैसला भएको थियो । सोपश्चात् उनी हालसम्म फरार रहेकी थिइन् । खोजतलास गर्ने क्रममा बुधबार बिहान भक्तपुरको मध्यपुर ठिमी न.पा. वडा नं. २ बाट उनलाई नियन्त्रणमा लिइएको हो । आवश्यक कारबाहीका लागि हाल काठमाडौं जिल्ला अदालत पठाइएको सूचना अधिकृत कोइरालाले जानकारी दिए ।
उनका अनुसार ललितपुरको महालक्ष्मी न.पा. वडा नं. – ६ इमाडोल बस्ने ५५ वर्षीय मणि कुमार थापालाई भने बैैंकिङ कसुरको अभियोगमा पक्राउ गरिएको हो । थापाले घर जग्गाको काम गर्दै आएका थिए । सोही सिलसिलामा विभिन्न व्यक्तिहरुसँग रकम लिई सो बापत विभिन्न बैंकको चेक काटिदिने र सो पश्चात् बैंकमा पैसा जम्मा नगरी सम्पर्कविहीन हुने गरेका थिए । साथै विभिन्न प्रहरी कार्यालयहरुमा उनीविरुद्ध बैंकिङ कसुर मुद्दा चलिरहेको थियो । यससम्बन्धी सूचना महानगरीय अपराध महाशाखामा प्राप्त भएको थियो ।
सोपश्चात् थापालाई खोजतलास गर्ने क्रममा मंगलबार काठमाडौंको कोटेश्वरबाट नियन्त्रणमा लिई अनुसन्धानपछि महानगरीय प्रहरी परिसर काठमाडौं, महानगरीय प्रहरी परिसर ललितपुर र महानगरीय प्रहरी वृत्त सातदोबाटोमा बैंकिङ कसुर मुद्दामा फरार रहेको भन्ने बुझिन आएको प्रहरीले जनाएकोा छ । उनलाई महानगरीय प्रहरी परिसर टेकु काठमाडौं पठाइएको छ ।
क्याटेगोरी : समाचार
ताजा अपडेट
- एक महिनादेखि खानेपानीको अभाव: होटल व्यवसायी मर्कामा
- काठमाडौँ उपत्यकाको आजको तापक्रम ३३ डिग्री
- दुई हजार ६९ बिन्दुमा खुम्चियो सेयर बजार
- गणतन्त्रप्राप्तिपछि मुलुकको विकासले गति लिएको छ: अध्यक्ष नेपाल
- वैदेशिक रोजगारबाट प्राप्त रेमिट्यान्स नेपालको अर्थतन्त्रको केन्द्र बनेको छ: महामन्त्री थापा
- एकीकृत समाजवादी वर्तमान सत्तासमिकरणकै पक्षमा छ: प्रधानमन्त्री दाहाल
- भीमफेदी कार दुर्घटना: मृत्यु हुनेको सङ्ख्या तीन पुग्यो
- संवैधानिक परिषद्सम्बन्धी विधेयक राज्यव्यवस्था समितिबाट पारित
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया