सिद्धार्थ बैंकको विशेष अफर, पाँच दशमलव ९६ प्रतिशत ब्याजदरमा सवारी कर्जा

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, नाडा अटोमोबाइल्स एसोसिएसन अफ नेपाल (नाडा)द्वारा आयोजना भइरहेको नाडा अटो शो २०२६ मा सहभागी सिद्धार्थ बैंक लिमिटेडले सवारी साधन खरिद गर्न चाहने ग्राहकलाई लक्षित गर्दै विशेष कर्जा योजना सार्वजनिक गरेको छ ।

बैंकले एक्स्पो अवधिभर सवारी साधन खरिदका लागि कर्जा लिने ग्राहकलाई ५.९६ प्रतिशत वार्षिक ब्याजदरमा कर्जा उपलब्ध गराउने जनाएको छ । बैंकका अनुसार उक्त कर्जामा ०.५ प्रतिशत सेवा शुल्क लाग्नेछ । यो विशेष कर्जा योजना २०८३ भदौ ९ गतेदेखि १४ गतेसम्म (२५–३० अगस्ट २०२६) काठमाडौंमा आयोजना भइरहेको नाडा अटो शो २०२६ अवधिमा बुकिङ गरिएका सवारी साधनमा लागू हुनेछ ।

सवारी साधन खरिद गर्न इच्छुक ग्राहकलाई एक्स्पोमा सहभागी भई बैंकको विशेष कर्जा योजनाको लाभ लिन बैंकले आग्रह गरेको छ । प्रतिस्पर्धी ब्याजदरमा सहज र सरल कर्जा सुविधा उपलब्ध गराउने उद्देश्यले ल्याइएको यो योजनाले ग्राहकलाई आफ्नो आवश्यकता र क्षमताअनुसार सवारी साधन खरिद गर्न सहयोग पुग्ने बैंकको विश्वास छ ।

बैंकले एक्स्पोमा सहभागी ग्राहकलाई कर्जा प्रक्रियाका सम्बन्धमा आवश्यक जानकारी तथा सहजीकरणसमेत उपलब्ध गराउने जनाएको छ । सिद्धार्थ बैंकका अनुसार सेवासम्बन्धी थप जानकारीका लागि २४ सै घण्टा सञ्चालनमा रहने ‘सिद्धार्थ केयर’ मा सम्पर्क गर्न सकिने बैंकले जानकारी दिएको छ ।