छैटौं ‘नेपाल अन्तर्राष्ट्रिय चलचित्र महोत्सव’को तयारी पूरा
काठमाडौं । छैटौँ ‘नेपाल अन्तर्राष्ट्रिय चलचित्र महोत्सव’ (निफ) को सम्पूर्ण तयारी पूरा भएको आयोजकले जनाएको छ । आयोजकले बुधबार पत्रकार सम्मेलनको आयोजना गरी आज अर्थात् बिहीबारदेखि आगामी सोमबारसम्म सञ्चालन हुने महोत्सवको सम्पूर्ण तयारी पूरा भएको जानकारी दिएको हो ।
‘विश्वभरका कथाहरुको उत्सव नेपाल अन्तर्राष्ट्रिय चलचित्र महोत्सव’ ‘निफ’को सम्पूर्ण तयारीका लागि आयोजक टीम तीन महिना अघिदेखि सक्रिय रहँदै आएको बताइएको छ । आयोजकका अनुसार ‘निफ’को उद्घाटन प्रधानमन्त्री पुष्पकमल दाहाल’ले गर्नेछन् भने समापन संस्कृति, पर्यटन तथा नागरिक उड्डयनमन्त्री सुदन किराँतीले गर्नेछन् । महोत्सवमा ५५ देशबाट आएका पाँच सय बढी चलचित्रबाट ३५ देशका ९५ चलचित्र प्रतियोगिताका लागि छनौट गरिएको निफका अध्यक्ष केपी पाठकले जानकारी दिए । छानिएका चलचित्रको प्रदर्शन क्यूएफएक्सद्वारा सञ्चालित चारवटा अत्याधुनिक सिनेमा हलहरु काठमाडौंको सिभिल मल र छायाँ सेन्टर, पुलचोकको लबिङ मल र भक्तपुर राधेराधेको भाटभटेनीमा रहेको हलबाट हुनेछन् ।
छैटौँ निफको ‘ओपनिङ फिल्म’को रुपमा कोरिन शर्मा निर्देशित चलचित्र ‘चरी’ (अप्रतियोगी) प्रदर्शन हुनेछ । त्यसैगरी सिनेमा हलहरुमा टिकट बुकिङ खुला भएको र ‘खल्ती एप’मार्फत टिकट बुकिङ गर्न सकिने बताइएको छ । चलचित्र प्रदर्शनको सेड्युल समेत सार्वजनिक गरिसकिएको आयोजकले जनाएको छ । विगतमा झैँ यस पटक पनि सात विधामा १४ वटा पुरस्कार वितरण गरिने निफका अध्यक्ष पाठकले बताए । प्रतियोगितामा राष्ट्रिय तथा अन्तर्राष्ट्रिय लामा छोटा चलचित्र, डकुमेन्ट्री तथा एनिमेटेड चलचित्रहरुको विधा समावेश छन् । यस पटकको निफमा समेत रचनात्मक कार्यक्रमलाई विशेष महत्व दिइएको छ । चलचित्र क्षेत्र र सम्बन्धित विधाका विज्ञहरुले विभिन्न सेसनमा सहभागिता जनाउने टुंगो समेत लागिसकेको आयोजकले जनाएको छ ।
क्याटेगोरी : मनोरञ्जन
ट्याग : #page 3
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया