‘ऐना झ्यालको पुतली’ उत्कृष्ट फिल्म

काठमाडौं । चैत २ देखि सुरु भएको छैटौं नेपाल अन्तर्राष्ट्रिय चलचित्र महोत्सव (निफ) नेपाली फिल्मतर्फ ‘ऐना झ्यालको पुतली’लाई उत्कृष्ट घोषणा गर्दै सम्पन्न भएको छ । नेपाली फिल्मतर्फ चलचित्र प्रकासबाट प्रदिप खड्का र दिया मास्के उत्कृष्ट अभिनेता तथा अभिनेत्री घोषित भएका छन् ।

समापन कार्यक्रममा संस्कृती, पर्यटन तथा नागरिक उड्डयनमन्त्री सुदन किराँतीले चलचित्रले डिप्लोम्यासी रोल गर्ने बताए । उनले निफलाई सक्दो सहयोग गर्ने वचन समेत दिए । समापन कार्यक्रममा अभिनेत्री गौरी मल्ल, प्रियंका कार्की, नम्रता श्रेष्ठ चलचित्रकर्मीहरु प्रकाश सायमी, प्रदिप कार्की तथा धेरै नाम चलेका चलचित्रकर्मीको उपस्थिति थियो ।

निफका अध्धयक्ष केपी पाठकले निफ सफलताको कथा सुनाएका थिए । उनले आगामी निफ अझ सशक्त रुपमा सम्पन्न गर्ने बताएका थिए । ३५ देशका ९५ प्रतियोगी चलचित्र प्रतियोगी रहेको फेस्टिभलमा विभिन्न विधामा १३ अवार्ड प्रदान गरिएको थियो । पाँच दिनसम्म चलेको निफमा नौवटा सेसन र तीनवटा मास्टर क्लास सम्पन्न भएका थिए । प्रो.डा. इतामी ब्रोजन (क्रोसिया), प्रेमेन्द्र मजुमदार (भारत) र लि. रान (चाइना)ले मास्टर्स क्लास सञ्चालन गरेका थिए ।