औद्योगिक जोखिम नियन्त्रण र प्रतिकार्य अभिमुखीकरण कार्यक्रम
काठमाडौं । बारामा औद्योगिक जोखिम नियन्त्रण र प्रतिकार्य अभिमुखीकरण कार्यक्रम सञ्चालन गरिएको छ । सशस्त्र प्रहरी बल नेपाल नं ४० रिजर्भ गण पिलुवा बारा र जितपुर सिमरानगर उद्योग वाणिज्य संघको संयुक्त आयोजनामा दुई दिवसीय औद्योगिक जोखिम नियन्त्रण र प्रतिकार्य अभिमुखीकरण कार्यक्रम सञ्चालन गरिएको हो ।
सशस्त्र प्रहरी बल नेपाल नं. २ छिन्नमस्ता बाहिनी मुख्यालय महोत्तरीका बाहिनीपति सशस्त्र प्रहरी नायब महानिरीक्षक दीपेन्द्र शाहको प्रमुख आतिथ्यमा सञ्चालन भएको सो कार्यक्रममा नेपाल उद्योग वाणिज्य संघ मधेश प्रदेशका अध्यक्ष अशोक टेमानीलगायत विभिन्न उद्योग वाणिज्य संघका पदाधिकारीहरूको समेत उपस्थिति रहेको थियो । कार्यक्रममा बाहिनीपति सशस्त्र प्रहरी नायब महानिरीक्षक शाहले सम्भावित जोखिम मूल्याङ्कन गरी समयमै आवश्यक तयारी गर्न सकिएमा मात्र ठूला विपद्बाट जोगिन सकिने बताए । विपद् जोखिम न्यूनीकरणका लागि उद्योगमा आबद्ध कर्मचारीहरूलाई समेत औद्योगिक जोखिम नियन्त्रण र प्रतिकार्य अभिमुखीकरण तालिम दिन सकिने उनको भनाइ थियो ।
नेपाल उद्योग वाणिज्य संघ मधेश प्रदेशका अध्यक्ष अशोक टेमानीले आगामी दिनहरूमा मधेश प्रदेशका अन्य जिल्लाहरूमा समेत सशस्त्र प्रहरी बल, नेपालसँग आवश्यक समन्वय गरी यस्ता प्रकृतिका तालिमहरू सञ्चालन गर्ने प्रतिबद्धता जनाएका थिए । कार्यक्रममा औद्योगिक क्षेत्रमा हुन सक्ने सम्भावित विपद्जन्य घटनाहरूको पहिचान गरी त्यसको नियन्त्रण र प्रतिकार्यको लागि पूर्वतयारी कसरी गर्ने भन्ने विषयहरूमा समेत जानकारी गराइएको थियो । शुक्रबार र शनिबार दुई सञ्चालन भएको कार्यक्रममा सुरक्षाका सिद्धान्त र उद्योग परिसरभित्र कृत्रिम विपद् सिर्जना गराई त्यसको व्यवस्थापन गर्ने विधि तथा उपायहरूको बारेमा जानकारी गराइएको थियो ।
क्याटेगोरी : कर्पोरेट-वाणिज्य-उद्योग
ट्याग : #Page 6
ताजा अपडेट
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
- भारतमा नरेन्द्र मोदीको लोकप्रियता र ध्रुवीकरणको एक दशक
- अरूको ‘परिचय चोरेर’ उत्तर कोरियालीहरूलाई अमेरिकी कम्पनीमा कसरी दिइयो जागिर
- नेपालको विकासमा रूसको ठूलो सहयोग छ: उपप्रधानमन्त्री श्रेष्ठ
- प्रहरी चौकीसंगै रहेको हनुमानथानबाट हनुमानको मुकुट चोरी !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया