एनआईसी एसिया क्यापिटलको ‘बुक क्लोज’
काठमाडौं । एनआईसी एसिया क्यापिटलको सेयरधनी दर्ता किताब बन्द हुने भएको छ । कम्पनीको यही कात्र्तिक १४ गते बसेको सञ्चालक समितिको एक सय ३२ औँ बैठकले सेयरधनी दर्ता किताब बन्द गर्ने निर्णय गरेको हो ।
आ.व. २०७९/०८० का लागि एनआईसी एसिया बैंक म्युचुअल फण्डअन्तर्गत सञ्चालित योजनाहरू एनआईसी एसिया ग्रोथ फण्डले इकाइ धनीहरूलाई १० दशमलव ५० प्रतिशत (कर सहित) का दरले हुन आउने रकम आठ करोड ७६ लाख ९६ हजार रुपैयाँ र एनआईसी एसिया ब्यालेन्स फण्डले इकाइ धनीहरूलाई १० प्रतिशत (कर सहित) का दरले हुन आउने रकम सात करोड ५५ लाख मात्र नगद प्रतिफल वितरण गर्ने प्रयोजनका लागि इकाइ धनी दर्ता किताब मिति २०८० कार्तिक २२ गते एक दिनका लागि बन्द हुन लागेको कम्पनीको भनाइ छ । साथै, मिति २०८० कार्तिक २२ गतेभन्दा अघिल्लो कारोबार दिनसम्म नेपाल स्टक एक्सचेन्ज लि.को प्रणालीमा कारोबार भई प्रचलित कानून बमोजिम तोकिएको समयावधिभित्र रीतपूर्वक नामसारी भई आएका इकाइ धनीहरूमात्र उक्त प्रतिफलको हकदार हुने कम्पनीले जानकारी दिएको छ ।
एनआईसी एसिया ग्रोथ फण्डले पहिलो वर्ष १० प्रतिशत, दोस्रो वर्ष १२ प्रतिशत, तेस्रो वर्ष ३० प्रतिशत, चौथो वर्ष १३ प्रतिशत तथा पाँचौं वर्ष अर्थात् आ.व. २०७९/८० का लागि घोषणा गरेको १० दशमलव ५० प्रतिशतसहित हालसम्म ७५ दशमलव ५० प्रतिशत नगद प्रतिफल वितरण गरी औसतमा १५ दशमलव १० प्रतिशत प्रतिफल वितरण गर्न सफल भएको छ भने एनआईसी एसिया ब्यालेन्स फण्डले सञ्चालनमा आएको पहिलो वर्ष आठ प्रतिशत, दोस्रो वर्ष ३० प्रतिशत, तेस्रो वर्ष १३ प्रतिशत र चौथो वर्ष अर्थात् आ.व. २०७९/८० का लागि घोषणा गरेको १० प्रतिशतसहित हालसम्म ६१ प्रतिशत नगद प्रतिफल वितरण गरी औसतमा १५ दशमलव २५ प्रतिशत प्रतिफल वितरण गर्न सफल भएको छ ।
छिटो, छरितो तथा ग्राहकमुखी सेवा दिँदै क्रमिक रूपमा लगानीकर्तामाझ लोकप्रिय बन्दै गईरहेको एनआईसी एसिया क्यापिटल लि.ले हाल म्युचुअल फण्ड, सेयर रजिष्ट्रार, निष्काशन तथा बिक्री प्रबन्धक, सेयर प्रत्याभूति, लगानी व्यवस्थापन, निक्षेप सदस्य, संस्थागत परामर्श लगायतका मर्चेण्ट बैंकिङ तथा इन्भेष्टमेण्ट बैंकिङसम्बन्धी सम्पूर्ण सेवाहरु प्रदान गर्दै आईरहेको जानकारी दिएको छ ।
क्याटेगोरी : बैंक बित्त बजार
ट्याग : #Page 6
ताजा अपडेट
- जीप दुर्घटनामा दुई जनाको मृत्यु, तेह्र घाइते
- काठमाडौँ उपत्यकाको तापक्रम ३२ डिग्री सेल्सियस पुग्ने पूर्वानुमान
- पेट्रोलियम पदार्थको मूल्य घट्यो
- क्यानले गर्यो सन्दीपको निलम्बन फुकुवा
- डिल्लीराम खनाललाई ५ हजार धरौटीमा छाड्न आदेश
- मुगुको पाटनमा यार्सा टिप्न पुगेकाको दुर्घटना बीमा
- निर्दोष ठहरिए सन्दीप लामिछाने, जिल्ला अदालतको फैसला उच्चले उल्टायो
- सन्दीप लामिछानेको मुद्दामा केहीबेरमा फैसला हुँदै
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया