प्रभुु लाइफ इन्स्योरेन्सद्वारा ६० करोड रुपैयाँको साधारण सेयरको लागि आवेदन

काठमाडौं ।
प्रभुु लाइफ इन्स्योरेन्स कम्पनीले ६० करोड रुपैयाँबराबरको साधारण सेयर निष्काशन गर्नको लागि नेपाल धितोपत्र बोर्ड समक्ष आवेदन दिएको छ । कम्पनीले एक सय रुपैयाँ अंकित मूल्य कायम रहनेगरी ६० लाख कित्ता साधारण सेयर निष्काशन गर्नको लागि धितोपत्र बोर्डमा आवेदन दिएको हो । कम्पनीको सेयर निष्काशन तथा बिक्री प्रबन्धकको रूपमा भने सिद्धार्थ क्यापिटल लिमिटेड रहेको छ ।

हाल एक अर्ब ४० करोड रुपैयाँ चुक्ता पुँजी रहेको कम्पनीको साधारण सेयर जारी गरेपश्चात् भने चुक्ता पुँजी दुुई अर्ब रुपैयाँ पुुग्नेछ । कम्पनीले गत आर्थिक वर्षको चौथो त्रैमासिक अवधिमा चार करोड ४४ लाख ९६ हजार चार सय ४० रुपैयाँ खुद मुनाफा आर्जन गरेको छ । अघिल्लो आवको सोही अवधिमा भने कम्पनीको यस्तो नाफा तीन करोड ८१ लाख १४ हजार चार सय २० रुपैयाँ रहेको थियो ।