नयाँ सरकार बनाउन कोशीमा हस्ताक्षर सनाखत सुरु

काठमाडौं । कोशी प्रदेशमा नयाँ सरकार गठनका लागि हस्ताक्षर सनाखत सुरु भएको छ । कोशी प्रदेशको मुख्यमन्त्री पदमा नियुक्तिका लागि बिहीबार प्रदेशसभा सदस्य हिक्मत कुमार कार्कीले दाबी पेस गरेका थिए ।

विश्वसनीय आधारसहित दिगो सरकार गठनका लागि बिहीबार दाबीकर्ताका समर्थनमा हस्ताक्षर गरेका सम्पूर्ण प्रदेशसभा सदस्यहरूलाई प्रदेश प्रमुखको कार्यालयको सभाहलमा प्रदेशसभा सदस्यको परिचय खुल्ने परिचय पत्रसाथ उपस्थित भई सनाखत गर्न भनिएको थियो । सोही अनुसार सनाखत प्रक्रिया सुरु भएको हो ।

यसअघि प्रदेश प्रमुखले नेपालको संविधानको धारा १६८ को उपधारा (५) बमोजिम कोशी प्रदेशको मुख्यमन्त्री नियुक्त गरी प्रदेश सरकार गठन गर्नका लागि कोशी प्रदेशसभामा विश्वासको मत प्राप्त गर्नसक्ने कोशी प्रदेश सभाका कुनै पनि सदस्यलाई वैशाख २८ गते शुक्रबार  साँझ पाँच बजेभित्र आफ्नो दाबी पेस गर्न आह्वान गरेका थिए ।

क्याटेगोरी : राजनिति, समाचार