नेपालमा लगानीका लागि वातावरण निर्माण गर्न आग्रह
काठमाडौं । गैरआवासीय नेपाली संघले नेपालमा लगानीका लागि वातावरण निर्माण गर्न उद्योग, वाणिज्य तथा आपूर्तिमन्त्रीलाई आग्रह गरेको छ । संघको एक प्रतिनिधिमण्डलले शुक्रबार सिंहदरबारस्थित मन्त्रालयमा उद्योगमन्त्री दामोदर भण्डारीलाई भेटी गैरआवासीय नेपालीहरुको लगानी अभिवृद्धि गर्न अनुकूल वातावरण निर्माणका लागि आग्रह गरेको हो ।
संघका अध्यक्ष डा. बद्री केसीले एनआरएन नेपाल डेभलपमेण्ट फण्ड लि. कम्पनी कार्यान्वयनमा ल्याउन देखा परेका कानुनी बाधा व्यवधानलाई हटाउन उद्योगमन्त्रीसमक्ष आग्रह गरे । लगानी सम्बन्धमा विद्यमान न्यूनतम दुई करोडको मापदण्ड हटाउन समेत उनले माग गरे । यस्तै अर्का अध्यक्ष कुल आचार्यले मुलुकलाई आर्थिक रुपमा समृद्ध बनाउन पुँजीसहित उनीहरुको ज्ञान, सीप र क्षमता भित्र्याउन नेपाल सरकारले पहल गर्नुपर्नेमा जोड दिए । भेटामा उद्योग, वाणिज्य तथा आपूर्तिमन्त्री भण्डारीले गैरआवासीय नेपालीलाई लगानीका लागि देखा परेका नीतिगत तथा कानुनी व्यवधान हटाउन पहल गर्ने प्रतिबद्धता जनाएका थिए ।
नेपालको अर्थतन्त्र धराशायी बन्दै गएको र गैरआवासीय नेपालीको पुँजी भित्र्याउन सरकार तत्पर रहेको उनको भनाइ थियो । उनले भने, ‘विश्वभर आर्थिक मन्दी छ, नेपालको अर्थतन्त्र अझ समस्याग्रस्त छ, तसर्थ, धराशायी अर्थतन्त्रलाई चलायमान बनाउन गैरआवासीय नेपालीको लगानी अपरिहार्य छ, लगानी भित्र्याउन सरकार प्रतिबद्ध छ ।’ अर्थतन्त्र धराशायी हुँदा नेपालीकै पुँजी सदुपयोग गर्न पाउनु सरकारका लागि समेत खुसीको कुरा भएको भन्दै उनले मुनाफासहितको लगानीका लागि सरकारले सहजीकरण गर्ने बताए । उद्योगमन्त्री भण्डारीले गैरआवासीय नेपालीका नीतिगत माग सकेसम्म संसद्को चालू अधिवेशनबाटै टुंगो लगाउने प्रतिबद्धता समेत जनाएका थिए ।
क्याटेगोरी : समाचार
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया