काठमाडौं । डीएभी सुशील केडिया विश्व भारती विद्यालयले २४औँ अन्तर्राष्ट्रिय मातृभाषाको अवसरमा देवनागरी दिवस मनाएको छ । विद्यालयका प्राङ्गणमा बुधबार भव्य रुपमा देवनागरी दिवस मनाइएको हो ।
विभिन्न भाषाका लब्धप्रतिष्ठित व्यक्तित्व र काठमाडौँ उपत्यकाका १८ विद्यालयहरुका शिक्षक र विद्यार्थीहरुमाझ डीएभी विद्यालयको नेपाली, संस्कृत र हिंदी भाषा विभागहरुको समन्वयमा देवनागरी दिवस मनाइएको विद्यालयले जनाएको छ । उक्त अवसरमा सहभागी विद्यालयहरुले संस्कृत श्लोकवाचन, नेपाली–हिंदी कविता लेखन, निबन्ध लेखन र वक्तृत्वकला विधाहरुमा आफ्नो प्रतिभा प्रदर्शन गरेका थिए । अन्तर्विद्यालय प्रतिस्पर्धाहरुमा डीएभी अप्रतिस्पर्धी रहेपनि डीएभी आबद्ध विद्यार्थीहरुले संस्कृत, नेपाली र हिंदी लगायत विभिन्न मातृभाषाका साहित्य, संस्कृति, कला र रीतिरिवाज झल्काउने नृत्य एवं कलाकौशल प्रदर्शन गरेका थिए । डीएभी विद्यार्थीहरु प्रस्तुत भएका संस्कृत स्वागत गीत, नवरस झल्किने थेमेटिक शिवताण्डव, थारु भाषा र संस्कृतिको मघाँैटा नाच र मगर भाषा र संस्कृति बोकेको टप्पा नृत्यले उपस्थित सबैलाई मन्त्रमुग्ध बनाएको थियो ।
कार्यक्रममा विद्यालयका अध्यक्ष अनिल केडियाले डीएभी अंग्रेजी माध्यम विद्यालय भए पनि स्थापनाकालदेखि देवनागरी भाषाहरु अध्ययन–अध्यापन भइरहेको जानकारी दिए । यस्तै उनले विद्यालयले संस्कृत भाषाको विकासमा अनवरत रुपमा लागिपरेको समेत उल्लेख गरे । त्यसैगरी नेपाल संस्कृत विश्वविद्यालयका उपकुलपति प्राडा यादव प्रकाश लामिछानेले भाषा र लिपिको विकास भएमात्र शिक्षण प्रक्रिया अगाडि बढ्नसक्ने बताए । नेपाल संस्कृत विश्वविद्यालयका प्राडा नवराज कट्टेल, त्रिभुवन विश्वविद्यालय केन्द्रीय भाषा विज्ञान विभागका सहप्राध्यापक डा.कर्नाखर खतिवडा र त्रिभुवन विश्वविद्यालय हिंदी केन्द्रीय विभागकी डा.मंचला झाबीच शिक्षण प्रक्रियामा मातृभाषाको भूमिका विषयमा अन्तर्क्रिया समेत भएको थियो ।
विकसित राष्ट्रहरुले विभिन्न मातृभाषालगायत राष्ट्रिय भाषाको संरक्षण गर्न सफल भए पनि विकासोन्मुख र अल्पविकसित राष्ट्रहरुको मातृभाषाको सूची प्रत्येक दशकमा घट्ने क्रममा रहेको उनीहरुको भनाइ थियो । विज्ञान, प्रविधि, सञ्चारलगायत सर्वत्र अङ्ग्रेजी भाषाको प्रभाव रहँदारहँदै पनि विश्वका विभिन्न शक्ति राष्ट्रहरु जस्तै कोरिया, जापान, जर्मन, फ्रान्स, चीन रसियाले आफ्नै भाषा संस्कृतिको जगेर्ना गरेका उदाहरणहरु अन्तर्क्रिया कार्यक्रममा अभिव्यक्त भएका थिए ।
क्याटेगोरी : समाचार
ट्याग : #page 3
ताजा अपडेट
- लुम्बिनी प्रदेशः करिब रु ३८ अर्ब ९६ करोड विनियोजन
- समृद्धिको अभिभारा पूरा गर्न एमाले सक्षम छस् अध्यक्ष ओली
- सुदूरपश्चिम प्रदेशः रु ३१ अर्ब ६२ करोड बजेट पेस
- उखु किसानले पाए एक अर्ब ६१ करोड भुक्तानी
- कोशी प्रदेश ३५ अर्ब २७ करोडको बजेट सार्वजनिक
- कर्णाली प्रदेशः आगामी आवका लागि रु ३१ अर्ब ४१ करोड बजेट विनियोजन
- सातै प्रदेशका सरकारको बजेट आज सार्वजनिक हुँदै
- लोक सेवा आयोगप्रतिको जनविश्वासलाई कायम राख्न जरुरी छ : उपराष्ट्रपति
धेरैले पढेको
- बीमा प्राधिकरणमा कार्यकारी नियुक्तिमा झेलैझेल
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया