अमेरिकी राष्ट्रपति ट्रम्पद्वारा राष्ट्रिय गुप्तचर प्रमुखलाई नयाँ एआई प्रमुख नियुक्त

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

वासिङटन, अमेरिकी राष्ट्रपति डोनाल्ड ट्रम्पले आइतबार राष्ट्रिय गुप्तचर प्रमुख जे क्लेटनलाई ह्वाइट हाउसको कृत्रिम बुद्धिमत्ता (एआई) सम्बन्धी कार्यदलको नेता तोकेका छन् । एएफपीका अनुसार अनुसन्धानकर्ताहरूले यस प्रविधिको सम्भावित खतराबारे चेतावनी दिइरहेका समय यो नियुक्ति भएको हो ।

राष्ट्रपति ट्रम्पले सामाजिक सञ्जाल ट्रुथ सोसलमा लेखेका छन्, ‘सुपर इन्टेलिजेन्स फोर्सको नेतृत्व क्लेटनलाई सुम्पिएको छु । यसलाई संघीय सरकारको प्रयासमा समन्वय गर्ने जिम्मेवारी दिइएको छ । अमेरिका संसारमा ‘सुपर इन्टेलिजेन्स’मा अगाडि रहोस् । धेरैले भन्छन् यो औद्योगिक क्रान्ति र इन्टरनेटभन्दा ठूलो हो । यसले सबै अमेरिकीहरूको हित र रक्षा गर्नेछ, साथै, उनीहरूको जीवन सुधार्नेछ ।’

ह्वाइट हाउसले शनिबार २४ वर्षीया रिपोर्टर बेनी रे हार्मनीलाई प्रवक्ता तथा सहायक प्रेस सेक्रेटरी बनाएको थियो । उनी ‘रियल अमेरिकाज भ्वाइस’मा ह्वाइट हाउस संवाददाताका रूपमा काम गर्दै आएकी थिइन् । हार्मनीले सोमबारदेखि नयाँ जिम्मेवारी सम्हाल्नेछिन् । उनको नियुक्ति ह्वाइट हाउस प्रेस सेक्रेटरीको पद खाली रहेको समयमा भएको छ ।

यसअघि प्रेस सेक्रेटरी रहेकी क्यारोलिन लेभिट अगस्टको अन्त्यमा यो पदबाट हटेकी थिइन् । ट्रम्प प्रशासनले अहिलेसम्म उनको स्थायी उत्तराधिकारीको नाम घोषणा गरेको छैन। हार्मनी पछिल्लो समयमा ह्वाइट हाउस ‘प्रेस पूल’ को नियमित सदस्य बन्न पुगेकी थिइन् ।