एनआरएनएको प्रमुख संरक्षकमा बद्री केसी

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, गैरआवासीय नेपाली संघ (एनआरएनए) को प्रमुख संरक्षकमा संघका निवर्तमान अध्यक्ष बद्री केसी नियुक्त भएका छन् ।संघका महासचिव चिरञ्जीवी खड्काले प्रमुख संरक्षकमा केसीलाई नियुक्त गरिएको विज्ञप्तिमार्फत् जानकारी दिएका छन् । केसीलाई १३ औँ अन्तर्राष्ट्रिय महाधिवेशन सम्पन्न नभएसम्मका लागि प्रमुख संरक्षकमा नियुक्त गरिएको एनआरएनएले जनाएको छ । केसी यसअघि ११ औँ र १२ औँ अन्तर्राष्ट्रिय महाधिवेशनमा अध्यक्ष निर्वाचित भएका थिए ।

विभिन्न समूहमा विभाजित भएको एनआरएनएलाई एक ठाउँमा ल्याएर १२ औँ महाधिवेशनमार्फत सहमतिका आधारमा नेतृत्व चयन गर्न केसीले महत्त्वपूर्ण भूमिका खेलेका थिए । साधारण सदस्यका रूपमा एनआरएनएमा प्रवेश गरेका केसी सन् २००९ र २०११ मा केन्द्रीय सदस्य बनेक भने त्यसपछि कोषाध्यक्ष भए । त्यसपछिका दुई कार्यकाल महासचिव र एक कार्यकाल उपाध्यक्षको जिम्मेवारी सम्हाले । सन् २०२१ मा उनी पहिलो पटक अध्यक्ष बनेका हुन् । २०२१ देखि २०२३ र २०२३ देखि २०२५ सम्म उनी अध्यक्ष रहे । सन् १९९० मा रसिया पुगेका केसीले सन् १९९६ मा बायोटेक्नोलोजीमा स्नातकोत्तर र सन् २००१ मा पिएचडी (विद्यावारिधि) तह पूरा गरेका छन् ।