‘रिलायबल समृद्धि योजना–२’, नेप्सेमा सूचीकृत

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं, रिलायबल नेपाल लाइफ इन्स्योरेन्स लिमिटेडको प्रवद्र्धनमा सञ्चालन भएको बन्दमुखी सामूहिक लगानी योजना ‘रिलायबल समृद्धि योजना–२’ का इकाइहरू शुक्रबार नेपाल स्टक एक्सचेन्ज (नेप्से) मा सूचीकृत भएका छन् । योजनाको व्यवस्थापन रिलायबल इन्भेस्टमेन्ट एन्ड मर्चेन्ट क्यापिटल लिमिटेडले गरेको छ भने सोही कम्पनी योजनाको डिपोजिटरीको भूमिकामा पनि रहेको छ ।

नेपाल धितोपत्र बोर्डले २०८३ वैशाख ३ गते योजनाको सार्वजनिक निष्कासनका लागि स्वीकृति दिएको थियो । सार्वजनिक निष्कासनपश्चात् योजनाको अन्तिम इकाइ बाँडफाँट २०८३ असार ४ गते सम्पन्न भएको थियो । कुल १२ करोड ५० लाख इकाइ रहेको यस बन्दमुखी सामूहिक लगानी कोषको प्रति इकाइ अंकित मूल्य १० रुपैयाँ रहेको छ । योजनाको कुल कोष आकार १ अर्ब २५ करोड रुपैयाँ रहेको छ भने यसको अवधि १० वर्ष तोकिएको छ । नेप्सेमा साउन २२ गते सूचीकृत भएका योजनाका इकाइहरूको दोस्रो बजारमा कारोबार भने साउन २५ गतेदेखि सुरु हुने जनाइएको छ ।

रिलायबल समृद्धि योजना–२ ले व्यावसायिक कोष व्यवस्थापनमार्फत लगानीकर्तालाई दीर्घकालीन पुँजी वृद्धि तथा सन्तुलित प्रतिफल प्रदान गर्ने लक्ष्य राखेको योजना व्यवस्थापकले जनाएको छ ।