बैंकिङ क्षेत्रको आन्तरिक कारोबार घट्यो
छ महिनामा दुुई खर्ब ९० अर्ब ७८ करोडको मात्र कारोबार
काठमाडौँ ।
बैंकिङ क्षेत्रको आन्तरिक कारोबार अर्थात् बैंकस्तरीय कारोबार रकम गत आर्थिक वर्षको तुुलनामा यो वर्ष घटेको छ । नेपाल राष्ट्र बैंकका अनुसार चालू आर्थिक वर्षको पछिल्लो छ महिनाको अवधिमा सञ्चालनमा रहेका २७ वटा वाणिज्य बैंक, क्षेत्रीय तथा राष्ट्रियस्तरका समेत गरी १९ वटा विकास बैंक र २१ वटा फाइनान्स कम्पनीहरुले कुुल दुुई खर्ब ९० अर्ब ७८ करोड रुपैयाँबराबरको अन्तरबैंक कारोबार गरेका छन् ।
उक्त कारोबारमध्ये वाणिज्य बैंकहरुले मात्र एक खर्ब ८९ अर्ब १८ करोड रुपैयाँबराबरको अन्तरबैंक कारोबार गरेको राष्ट्र बैंकले जानकारी दिएको छ । वाणिज्य बैंकबाहेकका अन्य विकास बैंक र फाइनान्स कम्पनीहरुले भने यस अवधिमा एक खर्ब एक अर्ब ६० करोड रुपैयाँबराबरको यस्तो कारोबार गरेका छन् । गत आवको सोही अवधिमा भने वाणिज्य बैंकहरुले मात्र गरेको अन्तरबैंक कारोबार रकम नौ खर्ब २६ अर्ब ५३ करोड रुपैयाँ रहेको थियो ।
उक्त अवधिमा विकास बैंक र फाइनान्स कम्पनीहरुले थप ९१ अर्ब ४२ करोड रुपैयाँबराबरको अन्तरबैंक कारोबार गरेका थिए । ‘सोही आधारमा उक्त अवधिमा कुुल १० खर्ब १७ अर्ब ९५ करोड अन्तरबैंक कारोबार भएको थियो’, राष्ट्र बैंकले भनेको छ ।
अन्तरबैंक कारोबार घटेकै आधारमा २०७६ पुसमा ९१–दिने ट्रेजरी बिलको भारित औसत ब्याजदर तीन दशमलव १७ प्रतिशत रहेकोमा २०७७ पुसमा शून्य दशमलव ७८ प्रतिशत रहेको छ । वाणिज्य बैंकहरुबीचको अन्तर–बैंक कारोबारको भारित औसत ब्याजदर २०७६ पुसमा एक दशमलव ७६ प्रतिशत रहेकोमा २०७७ पुसमा शून्य दशमलव १४ प्रतिशत रहेको छ । मौद्रिक नीतिको सञ्चालन लक्ष्यको रुपमा लिइने औसत अन्तर–बैंक ब्याजदर २०७७ पुसमा शून्य दशमलव १८ प्रतिशत छ ।
राष्ट्र बैंकका अनुसार वाणिज्य बैंकहरुको औसत आधार दर २०७६ पुसमा नौ दशमलव ४३ प्रतिशत रहेकोमा २०७७ पुसमा सात दशमलव १८ प्रतिशत कायम भएको छ । २०७७ पुसमा वाणिज्य बैंकहरुको निक्षेपको भारित औसत ब्याजदर पाँच प्रतिशत र कर्जाको भारित औसत ब्याजदर नौ दशमलव नौ प्रतिशत रहेको छ । अघिल्लो वर्षको सोही अवधिमा यस्ता दरहरु क्रमशः छ दशमलव ७९ प्रतिशत र ११ दशमलव ९४ प्रतिशत रहेको राष्ट्र बैंकले जानकारी दिएको छ ।
क्याटेगोरी : समाचार
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया