रुसको केन्द्रीय बैंकले बढायो ब्याजदर

रुस  । रूसको केन्द्रीय बैंकले मंगलबार आफ्नो प्रमुख ब्याजदर तीन सय ५० आधार विन्दुले बढाएर १२ प्रतिशत पु¥याएको छ । रुसी मुद्रा रुबल निरन्तर अवमूल्यन भएपछि त्यसलाई रोक्न रुसी केन्द्रीय बैंकले ब्याजदर बढाएको हो ।

रुसमा पश्चिमी प्रतिबन्धको प्रभाव र सैन्य खर्च बढ्दै गएपछि रुबल सोमबार डलरको तुलनामा एक सय थ्रेसहोल्ड पार गरेको थियो । ब्याजदर बढाउने निर्णयपछि रुबलको मूल्यमा ठूलो क्षति हुनबाट जोगिएको छ । राष्ट्रपति भ्लादिमिर पुटिनका आर्थिक सल्लाहकार म्याक्सिम ओरेश्किनले सोमबार केन्द्रीय बैंकको नरम नीतिका कारण रुबल अवमूल्यन भएको भन्दै असन्तुष्टि जनाएको थिए ।

रुसमा उच्च उपभोक्ता ऋण, श्रम अभाव र व्यापक बजेट घाटाले यसवर्ष मुद्रास्फीति बढाएको छ । सल्लाहकार ओरेश्किनले केन्द्रीय बैंकले सबै खाले उपकरण प्रयोग गरी अहिलेको स्थितिलाई सामान्यकरण गर्न सक्ने बताएका थिए ।