भिभोले सार्वजनिक ग-यो ‘सिक्स जी’ अनुसन्धानको उपलब्धि

चीन । भिभो कम्युनिकेसन्स रिसर्च इन्स्टिच्युटले ‘सिक्स जी’ सम्बन्धमा आफ्नो अनुसन्धानका उपलब्धिहरु सार्वजनिक गरेको छ । कम्पनीले तीनवटा स्वेतपत्र ‘एआई र कम्युनिकेसनको कन्भर्जेन्स’, ‘टेक्नोलोजी अफ इन्टिग्रेटेड सेन्सिङ एन्ड कम्युनिकेसन’, र ‘सिक्स जी नेटवर्क आर्किटेक्चर’ जारी गरेको छ ।

यस कार्यक्रमले सिक्स जीले उपभोेक्ताको अनुभव र जीवनशैलीलाई कसरी आकार दिन सक्छ भन्ने कुराको झलक प्रदान गर्दै अर्को पुस्ताको मोबाइल सञ्चार मानकको कुञ्जीका रुपमा पहिचान गरिएका प्रविधिहरु प्रयोग गरेर भिभोद्वारा निर्मित प्रोटोटाइपहरुको डेब्यु चिह्न पनि लगाएको छ ।

भिभो कम्युनिकेसन्स रिसर्च इन्स्टिच्युटले सन् २०२० देखि ‘सिक्स जी’मा व्यापक अनुसन्धान गरिरहेको छ । इन्स्टिच्युटका अध्यक्ष किन फेईले प्रविधिले उपभोक्ताहरुलाई सेवा दिनुपर्छ र उनीहरुको जीवनलाई अर्थपूर्ण तरिकामा समृद्ध बनाउनु पर्छ भन्नेमा काम गरिरहेको बताए । उनले यो विचारलाई प्रतिबिम्बित गर्दै, अहिले सार्वजनिक भएका स्वेतपत्रहरुको श्रृङ्खलाले अवधारण र मुख्य प्रविधिहरुको खोज गर्ने विश्वास व्यक्त गरे । जसले एआई र सेन्सिङ टेक्नोलोजीहरुसहित सिक्स जी प्रयोगकर्ता अनुभवलाई आकार दिन मद्दत गर्नेछ । साथै नेटवर्क संरचना जसले मोबाइल सञ्चार र कम्प्युटिङको अभिसरणलाई मूलरुपमा समर्थन गर्दछ । जसले ‘सिक्स जी’लाई सम्भव बनाउनेछ ।