चीनमा अग्लो भवन रहेको प्लाजा हल्लिँदा किनमेल गर्न गएकाको भागाभाग
वेइजिङ ।
७० तलाभन्दा धेरै अग्लो एउटा भवन भएको सेग प्लाजा एक्कासि हल्लिएपछि किनमेल गर्न गएका मानिसहरुबीच भागाभाग भएको छ ।
बीबीसीका अनुसार दक्षिण चिनियाँ सहर शेन्जेनमा यस्तो घटना भएको हो । स्थानीय अधिकारीहरुले के कारणले मंगलबार दिउँसो सेग प्लाजा हल्लियो भन्ने पत्ता लगाउन सकेका छैनन् । यो प्लाजा भवन तीन सय मिटर अग्लो छ । उक्त समयमा कुनै भूकम्प पनि मापन नभएको बताइएको छ । यसबारे अधिकारीहरुले अनुसन्धान गरिरहेका छन् ।
यो भवन २० वर्ष पुरानो रहेको बताइएको छ । यहाँ विद्युतीय सामग्रीको बजार र विभिन्न कम्पनीका कार्यालयहरु रहेका छन् । यो शेन्जेनको मुटुमा छ । यो सहरमा एक करोड २० लाख मानिसको बसोबास छ भने किनमेल र प्रविधि उद्योगहरु पनि प्रशस्तै छन् । चिनियाँ सामाजिक सञ्जालमा भवन हल्लिएको भिडियो फुटेज भाइरल बनिरहेको छ ।
चीनको ग्लोबल टाइम्स पत्रिकाले यो घटनाबारे शेन्जेनको फुटियान जिल्लाको स्थानीय सरकारले सेग प्लाजा स्थानीय समयअनुसार १२ः३१ बजे हल्लिएको जानकारी भवनभित्रका कर्मचारीमार्फत पाएको उललेख गरेको छ । त्यसपछि २ बजेसम्ममा त्यहाँभित्रका सबै माानिसलाई भवनबाट उद्धार गरिएको पत्रिकाले उल्लेख गरेको छ ।
पछि स्थानीय सरकारले विज्ञप्ति जारी गर्दै अनुसन्धान गर्दा भवनवरिपरि समेत कुनै पनि भत्के चर्केको र बाहिरी पर्खाल पनि केही नभएको फेला परेको जनाएको थियो । यो भवन सन् २००० मा निर्माण पूरा भएको थियो । काउन्सिल अन टल बिल्डिंग्स एन्ड अर्बान हेबिट्याटका अनुसार सेग प्लाजा चीनको १०४औँ र विश्वको २१२औँ अग्लो भवन हो ।
क्याटेगोरी : विश्व बजार
ताजा अपडेट
- अध्यागमन प्रशासनलाई व्यवस्थित र जिम्मेवार बनाउन अधिकार प्रत्यायोजन
- चार एसएसपीलाई डिआइजीमा बढुवा सिफारिस
- सन्दीपलाई टी-२० विश्वकप खेल्ने टोलीमा समावेश गर्न आईसीसीले दियो अनुमति
- बेनीका विद्यार्थीलाई पढाइसँगै सीप
- भारतमा नरेन्द्र मोदीको लोकप्रियता र ध्रुवीकरणको एक दशक
- अरूको ‘परिचय चोरेर’ उत्तर कोरियालीहरूलाई अमेरिकी कम्पनीमा कसरी दिइयो जागिर
- नेपालको विकासमा रूसको ठूलो सहयोग छ: उपप्रधानमन्त्री श्रेष्ठ
- प्रहरी चौकीसंगै रहेको हनुमानथानबाट हनुमानको मुकुट चोरी !
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया