भर्जिन गालाक्टिकले तोक्यो अन्तरिक्ष यात्राको भाडादर, एउटा टिकटकै साढे चार लाख अमेरिकी डलर
अमेरिका । अन्तरिक्षसम्बन्धी कम्पनी भर्जिन गालाक्टिकले अन्तरिक्ष यात्राको भाडादर सार्वजनिक गरेको छ । बीबीसीका अनुसार एउटा सिटको लागि एक टिकटको सुरुवाती मूल्य साढे चार लाख अमेरिकी डलर तोकिएको हो ।
अर्बपति रिचार्ड ब्रान्सनको कम्पनीले गत जुलाईमा पहिलो यात्रुसहितको उडान सफलतापूर्वक गरेसँगै इच्छुक अन्तरिक्ष पर्यटकको लागि टिकटको मूल्य सार्वजनिक गरेको हो । कम्पनीले अर्को वर्षदेखि व्यावसायिक अन्तरिक्ष उडान सुरु गर्ने लक्ष्य राखेको छ । कम्पनीले यसअघि धेरै परीक्षण उडानहरु गरिसकेको छ । यसअघि कम्पनीले साढे दुई लाख अमेरिकी डलरमा टिकट बिक्री गरेको थियो तर सन् २०१४ मा एउटा ज्यानै जाने गरी भएको दुर्घटनापछि टिकट बिक्री रोकेको थियो ।
गत महिनाको यात्रुसहितको सफल उडानसँगै यसप्रति मानिसहरुले रुचि बढाएको कम्पनीले दाबी गरेको छ । गत जुलाईमा ब्रान्सनसहितले युनिटी २२ उडान सफलतापूर्वक गरेका थिए । भर्जिन गालाक्टिक अहिले संसारकै धनी जेफ बेजोसको कम्पनी ब्लु ओरिजिनसँग व्यावसायिक अन्तरिक्ष उडानका लागि प्रतिस्पर्धा गरिरहेको छ । यसबाहेक अर्का अर्बपति एलन मस्कको कम्पनी स्पेस एक्ससँग पनि यस्तै प्रतिस्पर्धा छ । यी तीनवटै कम्पनी अन्तरिक्ष पर्यटन बजार विकासका लागि लागिपरेका छन् ।
जुलाईमा भर्जिन मिसनलगत्तै बेजोसले पनि आफ्नै रकेटमार्फत पूर्ण सिट क्षमतामा यात्रु बोकेर अन्तरिक्ष उडान गरेका थिए । बेजोसको कम्पनीले दुई लाखदेखि तीन लाख डलरसम्ममा अन्तरिक्ष टिकट बेच्ने योजना बनाएको छ । उता स्पेस एक्सले भने गत वर्ष पहिलो यात्रुसहितको उडान सफलतापूर्वक सम्पन्न गरेको थियो । उक्त उडानमार्फत दुई अन्तरिक्ष यात्री अन्तर्राष्ट्रिय अन्तरिक्ष स्टेसन पुगेर पृथ्वीमा फर्किएका थिए । अहिले स्पेस एक्सले अमेरिकी अन्तरिक्ष अनुसन्धान संस्था नासासँग सहकार्य गर्दै स्टेसनमा कार्गो आपूर्ति गरिरहेको छ । स्पेस एक्सले पनि तीन अन्तरिक्ष पर्यटकलाई १० दिन अन्तरिक्ष यात्रा गराउने गत वर्ष योजना बनाएको थियो ।
भर्जिन गालाक्टिकले अन्तरिक्ष उडानका लागि मानिसहरुले एउटा सिटदेखि साथी र परिवारै लैजाने प्याकेज वा पूरै विमान नै रिजर्भ गर्नसक्ने जनाएको छ । यसअघि नै रुचि देखाउनको हकमा उनीहरुको सिट सुरक्षित राखिएको कम्पनीले जनाएको छ । अहिलेसम्म कम्पनीले छ सय टिकट यसअघि बन्द गर्नुअघि नै बिक्री गरिसकेको छ । कम्पनीको अबको युनिटी २३ नामक अन्तरिक्ष उडान आगामी सेप्टेम्बरमा अमेरिकाको न्यु मेक्सिकोस्थित स्पेसपोर्ट अमेरिकाबाट हुनेछ ।
क्याटेगोरी : विश्व बजार
ताजा अपडेट
- दुर्गा प्रसाईको झापास्थित बीएण्डसी अस्पताललाई मेडिकल कलेजको सम्बन्धन दिने चिकित्सा शिक्षा आयोगले निर्णय
- प्रतिनिधिसभा बैठक: बजेटबारे सांसदको चर्को असन्तुष्टि
- ६० मेगावाटको कुलेखानीमा २० मेगावाट मात्र उत्पादन
- शिक्षामा दलीय राजनीति रोक्ने निर्णयबाट पछि हट्दिनँस् मन्त्री श्रेष्ठ
- चिकित्सा शिक्षा क्षेत्रमा देखिएका समस्या समाधानका लागि समन्वय र सहकार्य आवश्यक छ : प्रधानमन्त्री दाहाल
- चारैतिरबाट छेकेर कबाडी ब्यवसायी माथि लाठी प्रहार
- नेपाल–चीनका विश्वविद्यालयबीच सम्बन्ध विस्तारमा शैक्षिक मेला उपयोगी हुने परराष्ट्रमन्त्रीको विश्वास
- देशका प्रत्येक नागरिकलाई राजनीति र सङ्घीयता बुझाउनु जरुरी छ: नेता बिजुक्छेँ
धेरैले पढेको
- मध्य भोटेकोशी जलविद्युत् आयोजनाको सुरुङ निर्माणमा चरम लापरबाही गर्ने दुई जनालाई उन्मुक्ति दिने प्रयास
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया