अनुदानको मल व्यापारीलाई बेच्ने सहकारीलाई बैतेश्वर गाउँपालिकाले कारबाही गर्ने
दोलखा,सरकारले सहकारी मार्फत अनुदानमा किसानको लागि उपलब्ध गराएको रासायनिक मल ब्यापारीलाई बेच्ने सहकारीलाई कारबाही गर्ने भएको छ। बैतेश्वर गाउँपालिकाले केहि दिन अघि छड्के बजार अनुगमनको क्रममा केहि सहकारीले ब्यापारीलाई पसलमा राखेर मल बेच्न दिने गरेको भेटेपछि पालिकाले उक्त सहकारी तथा ब्यापारीलाई कारबाही गर्ने जनाएको छ ।
बैतेश्वर गाउँपालिका भित्र मल ल्याउने र किसानलाई वितरण गर्ने मान्यता प्राप्त केहि कृषि सहकारीले दर्जनौं बोरा मल पसलमा राखेर महँगोमा बेच्ने गरेको फेला परेकाले उक्त कृषि सहकारी संस्थाको पहिचान गरी कारबाही गर्ने बैत्तेश्वर गाउँपालिका अध्यक्ष छवि लामाले बताए ।
आइतबार बसेको गाउँकार्यपालिका बैठकमा अवैध रूपमा मन लागी रूपमा ब्यापारीले किसानको लागी ल्याएको मल सहकारी मार्फत ल्याएर पसलमा राखी बिक्री गरेको पाइएकाले ती सहकारीको पहिचान गरी तत्काल कारबाही गर्ने तथा पसलमा बेच्न राखेको मल समेत पालिकाले जफत गर्ने बताउनु भयो।
अनुगमनको क्रममा विभिन्न वडाका कृषि सहकारीले गाउँपालिकाको सिफारिसमा अनुदान छुटमा मल ल्याएर ब्यापारीलाई बेच्न दिने तथा किसानबाट बढी मुल्य लिने गरेको हुँदा पालिकाले अर्को पटक मल ल्याउने सिफारिस समेत नदिने र कारबाही गर्ने भएको हो ।
किसानले खेती गर्ने समयमा मल पाउन नसक्ने,मुख्य समयमा मल अभाव हुने तथा कालोबजारी गर्ने ब्यापारीलाई समेत मल बेचेको पाइएमा जरिवाना गर्ने गाउँपालिका अधिकृत एवं प्रशासन प्रमुख रबिन्द्र चौलागाईंले बताए । अनुगमनका क्रममा ब्यापारीहरुले गोदाममा लुकाएर राखेको अवस्थामा समेत मल फेला पारेको छ् भने,खुद्रा पसलेले बाहिर बेच्न राखेको समेत भेटिएको छ ।
क्याटेगोरी : समाचार, गाउँ पालिका
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया