बचतकर्ताको १० अर्बभन्दा बढी रकम हिनामिना गरेका भरत महर्जनविरुद्ध रेड नटिस जारी

सहकारीको रकम हिनामिना गरेको आरोपमा प्रहरीले भरत महर्जनविरुद्ध रेड नटिस जारी गरेको छ । महर्जनले ललितपुरको पुल्चोकस्थित सुमेरु सेभिङ एण्ड के्रडिट सहकारीको रकम हिनामिना गरेको आरोप लागेको छ ।

तत्कलीन अध्यक्ष समेत रहेका महर्जनविरुद्ध सहकारी विभाग र सहकारीका हालका सञ्चालक समितिले सीआईबीमा उजुरी दिएका थिए । उक्त सहकारीमा ३५ हजार बचतकर्ताले राखेको १० अर्बभन्दा रकम महर्जनले हिनामिना गरेको सीआईबीको अनुसन्धानले देखाएको छ । महर्जन सम्पर्क बिहिन भएपछि रेड नोटीस जारी गरेको प्रहरी स्रोतले बताएको छ ।