मित्रमिलन सहकारीका पूर्वअध्यक्ष राउत धरौटी बुझाएर छुटे
पोखरा । पोखरास्थित मित्रमिलन बचत तथा ऋण सहकारी संस्थाका पूर्व अध्यक्ष कृष्णबहादुर राउत धरौटीमा रिहा भएका छन् । सहकारीको करोडौँ रकम हिनामिना भएको तथ्य सार्वजनिक भएपछि उनी फरार भएका थिए ।
राउत पोखरा महानगरपालिका वडा नं.१२ निवासी हुन् । कास्की जिल्ला अदालतले उनीविरुद्ध पनि पक्राउ पुर्जी जारी गरेको थियो । अदालतमा आफै उपस्थित भएका राउतसँग न्यायाधीश वसन्तजंग थापाको इजलासले १२ लाख रुपैयाँ धरौटी मागेको थियो । राउतले अदालतले मागेजति रकम बुझाएर रिहा भएका हुन् ।
सहकारीका ३ हजार ४ सय ४६ वचतकर्ताको २६ करोड ८६ लाख ६४ हजार ६ सय ४६ रुपैयाँ ठगिएकोमा सरकारी वकिलको कार्यालयले कानुन बमोजिम सजाय र २१ करोड बिगो माग दावी गरेर मुद्दा दायर गरेको हो । सहकारी ठगीमा ३३ जनाविरुद्ध पक्राउ पुर्जी जारी भएपनि हालसम्म ९ जना मात्र पक्राउ परेका छन् । पक्राउ परेकामध्ये लेखा समितिका संयोजक सूर्यबहादुर अधिकारी र विष्णु प्रसाद भण्डारी धरौटीमा रिहा भईसकेका छन् ।
सञ्चालक समितिका अध्यक्ष रमण पौडेल, पूर्व रजिष्ट्रार उदयबहादुर पराजुली, सहकारी सञ्चालक सदस्य गोपाल खनाल, कार्यकारी अधिकृत किरण अधिकारी, सल्लाहकार राजु बराल र शेयर सदस्य बुद्धिसागर पौडेल पुर्पक्षका लागि कारागारमा छन् । बाँकी फरार छन् ।
क्याटेगोरी : समाचार, सहकारी–कृषि
ताजा अपडेट
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया