हलेसी तुवाचुङ र नाम्खाबीच मितेरी सम्बन्ध
काठमाडौं । खोटाङको हलेसी तुवाचुङ नगरपालिका र हुम्लाको नाम्खा गाउँपालिकाबीच मितेरी साइनो गाँसिएको छ । शुक्रबार हलेसी तुवाचुङ नगरपालिकाको सभाहलमा भएको कार्यक्रममा दुई स्थानीय तहबीच मितेरी गाँसिएको हो । सांस्कृतिक सम्बन्ध कायम गर्ने उद्देश्यले ती दुई स्थानीय तहबीच मितेरी साइनो गाँसिएको हो ।
कार्यक्रममा हलेसीकी नगरप्रमुख विमला राई र नाम्खा गाउँपालिकाका अध्यक्ष प्रेमबहादुर लामाबीच मायाको चिनो साटासाट गरिएको नाम्खा गापाका प्रशासन प्रमुख मोहनबहादुर शाहीले जानकारी दिए । शाहीका अनुसार उक्त कार्यक्रममा दुई स्थानीय तहका वडाध्यक्षहरूबीच पनि मायाको चिनो साटासाट गरिएको थियो ।
दुई पालिका धार्मिक तथा पर्यटकीय क्षेत्रका रूपमा रहेका छन् । नाम्खामा रिङ्छेलिङ गुम्बालगायतका धार्मिक स्थल पनि छ । त्यहाँबाट ऐतिहासिक मानसरोवर नजिकै देखिन्छ । मानसरोवर पुग्न नसक्नेहरू नाम्खाबाटै मानसरोवरको दृश्य हेरेर फर्किन्छन् । हलेसी पनि किराँत, हिन्दु तथा बौद्ध धर्मावलम्बीहरूको पवित्र स्थल हो । यहाँ वर्षेनि लाखौँ धार्मिक पर्यटक जाने गर्छन् । उक्त कार्यक्रममा जनप्रतिनिधिको साथै कर्मचारीहरूको पनि उपस्थिति थियो ।
क्याटेगोरी : पालिका समाचार, समाचार
ट्याग : #Page 8
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया