काठमाडौं ।नेपाल स्टक एक्सचेन्ज (नेप्से) को प्रमुख कार्यकारी अधिकृत (सीईओ) कृष्णबहादुर कार्की नियुक्त भएका छन् । पाल्पा रिब्दिकोट गाउँपालिका ७ का कार्कीलाई माघ १७ गते बसेको मन्त्रिपरिषद् बैठकले चार वर्षको लागि सीईओमा नियुक्त गरेको हो ।
सीईओको लागि छनोट समितिले यसअघि तीन जनाको नाम सर्टलिस्ट तयार गरेर मन्त्रिपरिषद्मा पठाएको थियो । तीन जनाको सर्टलिस्टमा कार्की, रमेश भण्डारी र केशव श्रेष्ठ परेका थिए । त्यसअघि समितिले ११ आवेदकहरुबाट पाँच जनाको नाम सर्टलिस्ट गरेको थियो । पाँचमध्ये छनोट समितिले तीन जनाको सर्टलिस्ट तयार पारेको थियो ।
समितिले आवेदनमध्ये मूल्यांकनका आधारमा उत्कृष्ट तीन जना छनोट गरिएको जनाएको छ । नेप्सेमा सीईओ नियुक्तिका लागि अर्थ मन्त्रालयका सहसचिव रमेश केसीको संयोजकत्वमा छनौट सिफारिस समिति गठन गरिएको थियो । समितिमा मन्त्रालयकै सहसचिव रितेश शाक्य र विज्ञ सदस्यमा नेप्सेका पूर्वअध्यक्ष जीवनाथ धिताल रहेका थिए ।
यसअघिका सीईओ चन्द्रसिंह साउदले श्रीमतीको नाममा सर्वोत्तम सिमेन्टको सेयर खरिद गरेको आरोप लागेपछि आफ्नो कार्यकाल सकिन एक महिनाअघि राजीनामा दिएका थिए । त्यसपछि खाली पदमा नयाँ नियुक्ति गरिएको हो ।
क्याटेगोरी : समाचार
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया