काठमाडौं । बीमा कम्पनीहरुको कुल शाखा संंख्या तीन हजार तीन सय ६६ पुगेको छ । बीमा कम्पनीहरुको नियमनकारी निकाय बीमा समितिका अनुसार सञ्चालनमा रहेका १९ वटा जीवन बीमा र १९ वटा निर्जीवन बीमासहितका ३८ वटा बीमा कम्पनीहरुको हालसम्ममा उक्त संख्यामा शाखाहरु सञ्चालनमा रहेको हो ।
यसरी सञ्चालनमा रहेको कुल शाखा संख्यामध्ये जीवन बीमातर्फ २३ सय दुईवटा र निर्जीवन बीमातर्फ एक हजार ६४ वटा शाखाहरु सञ्चालनमा रहेका छन् । बीमा कम्पनीहरुको सञ्चालनमा रहेका कुल शाखाहरुमध्ये सबैभन्दा बढी शाखा बागमती प्रदेशमा छन् भने सबैभन्दा कम शाखा कर्णाली प्रदेशमा छन् । समितिका अनुसार बागमती प्रदेशमा जीवन बीमातर्फ छ सय र निर्जीवन बीमातर्फ तीन सय १३ वटा शाखाहरु सञ्चालनमा रहँदा कर्णाली प्रदेशमा भने जीवन बीमातर्फ एक सय ४४ र निर्जीवन बीमातर्फ ४४ वटा मात्र शाखाहरु सञ्चालनमा छन् ।
प्रदेश नं. १ मा भने जीवन बीमातर्फ तीन सय ७४ र निर्जीवन बीमातर्फ एक सय ६८ वटा शाखाहरु सञ्चालनमा छन् । मधेश प्रदेशमा पनि जीवन बीमातर्फ तीन सय १६ र निर्जीवन बीमातर्फ एक सय ३२ वटा शाखाहरु सञ्चालनमा छन् । लुम्बिनी प्रदेशमा भने जीवन बीमातर्फ तीन सय ६८ र निर्जीवन बीमातर्फ एक सय ८० वटा शाखाहरु सञ्चालनमा रहेको समितिको भनाइ छ । सुदूरपश्चिम प्रदेशमा भने जीवन बीमातर्फ दुई सय ५४ र निर्जीवन बीमातर्फ ७३ वटा शाखाहरु सञ्चालनमा छन् ।
गण्डकी प्रदेशमा भने जीवन बीमातर्फ दुई सय ३६ र निर्जीवन बीमातर्फ एक सय ४४ वटा शाखाहरु सञ्चालनमा छन् । समितिका अनुसार पछिल्लो अवधिमा सञ्चालनमा रहेका १९ वटा जीवन बीमा कम्पनीहरुको कुल चुक्ता पुँजी भने ३८ अर्ब २१ करोड रुपैयाँ पुगेको छ भने निर्जीवन बीमा कम्पनीहरुको चुक्ता पुँजी भने १९ अर्ब २८ करोड रुपैयाँ पुगेको छ । बीमा क्षेत्रमा प्रत्यक्ष रोजगारीको संख्या भने १० हजार सात सय ५२ छ । समितिका अनुसार देशभर बीमा सर्भेयरहरुले शंख्या चार सय रहेको छ भने बीमा अभिकर्ताहरुको संख्या संख्या करिब दुई लाख ५० हजार छ । हाल नेपाली बीमा क्षेत्रमा १९ वटा जीवन, १९ वटा निर्जीवन र दुईवटा पुनर्बीमासहितका ४० वटा कम्पनीहरुले बीमासम्बन्धी कारोबार सञ्चालन गर्दै आएको समितिले जानकारी दिएको छ ।
क्याटेगोरी : समाचार
ताजा अपडेट
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया