Techie IT
×
गृहपृष्ठसमाचारस्रोत नखुलेको ११ लाख रुपैयाँसहित दुई जना पक्राउ

स्रोत नखुलेको ११ लाख रुपैयाँसहित दुई जना पक्राउ


रौतहट । सशस्त्र प्रहरी बल नेपाल नम्बर ११ गण रौतहटले स्रोत नखुलेको ११ लाख रुपैयाँसहित दुई जनालाई पक्राउ गरेको छ । रौतहटको गौर नगरपालिका ५ स्थित बरहवा पुल इलाकाबाट बुधबार सशस्त्र प्रहरीले ११ लाख ३९ हजार आठ सय नेपाली रुपैयाँसहित दुई जनालाई नियन्त्रणमा लिएको हो ।

पक्राउ पर्नेहरुमा रौतहट जिल्लाको गढीमाई नगरपालिका ४ संग्रामपुर बस्ने २९ वर्षीय राजु कुमार यादव र सोही नगरपालिका ९ बरियारपुर बस्ने ३३ वर्षीय राजेश प्रसाद यादव रहेका छन् । सशस्त्र प्रहरीका अनुसार प्रदेश ३–०२–०१३ प ४९५६ नम्बरको मोटरसाइकलमा भारतबाट नेपालतर्फ आउँदै गरेका उनीहरुले साथ ल्याएको उक्त रुपैयाँको स्रोत खुलाउन नसकेपछि नियन्त्रणमा लिइएको हो । पक्राउ परेका उनीहरुलाई बरामद रुपैयाँ तथा मोटरसाइकलसहित आवश्यक कारबाहीको लागि भन्सार कार्यालय गौरमा बुझाइएको प्रहरीले जनाएको छ ।


क्याटेगोरी : समाचार

तपाईको प्रतिक्रिया