लुम्बिनी प्रदेशमा ५३ जना सांसदको हस्ताक्षरसहित दाबी पेश

बुटवल । लुम्बिनीमा कांग्रेस र माओवादी केन्द्रबीच सत्तारुढ गठबन्धनभित्र आलोपालो प्रदेश सरकारको नेतृत्वका लागि सहमति भएको छ । लुम्बिनी प्रदेशका संसदीय दलका नेता डिल्लीबहादुर चौधरीले मुख्यमन्त्रीका लागि ५३ जना सांसदको हस्ताक्षरसहित दाबी पेश गरेका छन्।

दाङ क्षेत्र नम्बर ३ (१) प्रदेश सभा सदस्य चुनिएका चौधरीले नेपाली कांग्रेससहित, माओवादी केन्द्र, जसपा, लोसपा, नागरिक उन्मुक्ति, जनमत, राष्ट्रिय जनमोर्चा, एकीकृत समाजवादी लगायतको समर्थनमा दाबी पेस गरेका हुन् । चौधरीलाई नेकपा एमाले र राष्ट्रिय प्रजातन्त्र पार्टीबाहेक अन्य सबै दलको समर्थन छ।

प्रदेश प्रमुख शेरचनले संविधानको धारा १६८ को उपधारा २ अनुसार मंगलबार सरकार गठन आह्वान गर्दा बिहीबार अपराह्न ४ बजेसम्मका लागि समयसीमा तोकेका हुन् ।