बजार परिसूचक एक हजार नौ सय ६१ दशमलव छ विन्दुमा
काठमाडौं । यससाता सेयरबजार परिसूचक एक हजार नौ सय ६१ दशमलव शून्य छ विन्दुमा कायम रहेको छ । यसैगरी क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि तीन सय ८३ दशमलव ६६ विन्दुमा सीमित हुन पुगेको छ ।
यससाता धितोपत्र बजारमा दुई सय ४१ वटा कम्पनीहरूको सेयर कारोबार भएका छन् । जसअनुसार एक लाख १० हजार नौ सय ५७ पटकको कारोबारमा एक करोड ६७ लाख ९६ हजार नौ सय ६९ कित्ता सेयर खरिदबिक्री हुँदा कुल कारोबार रकम छ अर्ब ६४ करोड २६ लाख ११ हजार ७२ रूपैयाँ पुगेको छ । यो कारोबार रकम गत साताको तुलनामा झण्डै तीन अर्ब रूपैयाँले बढी हो ।
गत साता भने धितोपत्र बजारमा दुई सय ३२ वटा कम्पनीहरूको सेयर कारोबार भएको थियो जसअनुसार ६० हजार छ सय १४ पटकको कारोबारमा ९१ लाख ७२ हजार चार सय ३८ कित्ता सेयर खरिदबिक्री हुँदा कुल कारोबार रकम तीन अर्ब ३० करोड तीन लाख ५३ हजार पाँच सय ११ रूपैयाँ पुगेको थियो । यस साता नेप्सेको नियमित कारोबार कक्ष सातामा पाँच कार्यदिन नै खुला रहेको थियो । जसमध्ये पहिलो, तेस्रो र पाँचौँ दिन सेयरबजार परिसूचक उकालो लागेको थियो भने दोस्रो र चौथो दिन बजार परिसूचक ओरालो लागेको थियो ।
पहिलो कारोबार दिन बजार परिसूचक ३२ दशमलव ४३ अंकले उकालो लागेर एक हजार नौ सय ६५ दशमलव ९८ विन्दुमा चढेकोमा क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि पाँच दशमलव ३४ अंकले उकालो लागेर तीन सय ८६ दशमलव २६ विन्दुमा चढेको थियो । दोस्रो कारोबार दिन भने बजार परिसूचक १५ दशमलव ६१ अंकले ओरालो लागेर एक हजार नौ सय ५० दशमलव ३७ विन्दुमा झरेकोमा क वर्गका कम्पनीहरूको कारोबार मापन गर्ने सेन्सिटिभ इन्डेक्स पनि तीन दशमलव ६५ अंकले ओरालो लागेर तीन सय ८२ दशमलव ६१ विन्दुमा झरेको थियो ।
तेस्रो कारोबार दिन भने बजार परिसूचक दुई दशमलव ९९ अंकले उकालो लागेर एक हजार नौ सय ५३ दशमलव ३५ विन्दुमा चढेकोमा सेन्सिटिभ इन्डेक्स पनि शून्य दशमलव शून्य आठ विन्दुले उकालो लागेर तीन सय ८२ दशमलव सात विन्दुमा चढेको थियो । चौथो कारोबार दिन भने पुनः बजार परिसूचक तीन दशमलव ५१ अंकले ओरालो लागेर एक हजार नौ सय ४९ दशमलव ८५ विन्दुमा झरेकोमा सेन्सिटिभ इन्डेक्स पनि शून्य दशमलव ८५ विन्दुले ओरालो लागेर तीन सय ८१ दशमलव ८४ विन्दुमा झरेको थियो । पाँचौँ कारोबार दिन भने बजार परिसूचक ११ दशमलव २२ अंकले उकालो लागेर एक हजार नौ सय ६१ दशमलव छ विन्दुमा चढेकोमा सेन्सिटिभ इन्डेक्स पनि एक दशमलव ८२ विन्दुले उकालो लागेर तीन सय ८३ दशमलव ६६ विन्दुमा चढेको थियो ।
यससाता बढी रकम कारोबार गर्ने कम्पनीहरूको सूचीमा नबिल बैंक, हिमालयन डिष्ट्रिलरी प्रालि, शिवम् सिमेन्ट, नेशनल हाइड्रोपावर कम्पनी, नेपाल टेलिकम आदि अगाडि परेका छन् भने सेयर कारोबार भएको संख्याको आधारमा हिमालयन डिष्ट्रिलरी प्रालि, शिवम् सिमेन्ट, नेपाल टेलिकम, नेशनल हाइड्रोपावर कम्पनी आदि अगाडि परेका छन् । यसैगरी बजार पुँजीकरणको आधारमा भने यससाता पनि नेपाल टेलिकम, नबिल बैंक, नेपाल लाइफ इन्स्योरेन्स कम्पनी आदि परेका छन् ।
क्याटेगोरी : बैंक बित्त बजार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया