सर्लाहीको चन्द्रनबगरका महिला आत्मनिर्भर बन्दै
सर्लाही । आर्थिक सामाजिक दृष्टिकोणले पछि परेका सर्लाहीको चन्द्रनगर गाउँपालिकाका महिलाहरु आत्मनिर्भर हुन थालेका छन् । नेपाल सरकार उद्योग, ग्रामीण उद्यम तथा विप्रेसन आयोजना (समृद्धि) अन्तर्गत लैङ्गिक कार्य सिकाई पद्धति कार्यक्रममार्फत यहाँका महिलाहरु आत्मनिर्भर बन्न सफल भएका हुन् ।
आयोजनाअन्तर्गत चन्द्रनगर गाउँपालिका वडा नं. २ र ३ गरी ५ वटा महिला कृषक समूह छन् । प्रतिसमूह २५ जना महिलाहरु गरेर एक सय २५ जना महिलाहरु यतिबेला आफ्नै खुट्टामा उभिन सफल भएका छन् । महिला कृषक समूहमा आबद्ध भएपछि उनीहरु साक्षर हुनुका साथै आयआर्जन गर्न समेत सक्ने भएका समृद्धि आयोजना गाल्सका सुपरभाइजर विणा विष्टले बताए । उनीहरुलाई कृषिलगायत सीपसम्बन्धी विभिन्न तालिम दिइएको उनको भनाइ छ ।
समृद्धि आयोजनाले आफूरुमा ठूलो परिवर्तन ल्याएको चन्द्रनगर वडा नं. २ मा रहेको धनलक्ष्मी महिला कृषक समूहका सदस्य अनिता देवी महतोले बताइन् । तालिम लिएर महिला कृषक समूहमा आबद्ध भएपछि तरकारी खेती तथा अन्य नगदे बाली गरेर जग्गा समेत जोडेको उनले जानकारी दिइन् । तरकारी खेतीबाट मनग्य आम्दानी भएपछि तीन जना सन्तानलाई निजी विद्यालयमा पढाउन समेत सक्ने भएको उनको भनाइ छ । उनी सफलताको कथा कृषक समूहमा आबद्ध छिन् ।
त्यस्तै बजरङ्गबली महिला कृषक समूहमा आबद्ध महिला मिनादेवी साहले विगतमा आफूहरुलाई आर्थिक समस्याले सारै सताउने भएपछि समूहमा आबद्ध भएपछि विभिन्न सहकारीमा पैसा बचत गर्न थालेको उनले बताइन् । उनले विगत दुई वर्षदेखि नगदेबाली उत्पादन गरी स्थानीय बजारमा बेच्ने गरेकी छिन् । यसैगरी बजरङ्ग बली महिला कृषि समूहमा आबद्ध महिला लिलादेवी महतोले समूहमा आबद्ध भएपछि जग्गा जोड्न सफल भएको सुनाइन् । पाँच कठ्ठा जग्गाबाट एक बिघा पु-याएको उनको भनाइ छ । समूहमा आबद्ध भएपछि एक सय २५ जना महिलामै उल्लेखनीय प्रगति भएको समृद्धि आयोजना गाल्सका संयोजक आलोक कर्णले दाबी छ ।
ग्रामीण उद्यम तथा विप्रेसन आयोजना (समृद्धि) इटहरीले प्रदेश नं. १, मधेश प्रदेश र सिन्धुली जिल्लामा कार्य गरिरहेको छ । ग्रामीण उद्यम तथा विप्रेशन आयोजनाले खासगरी कृषिमा लगानी गर्ने गरेको छ । कृषक समूह खोली तरकारी, दुध, जडीबुटी र माछामा आर्थिक तथा प्राविधिक सहयोग गर्नेगरेको छ । ग्रामीण उद्यम तथा विप्रेशन आयोजनाले मधेश प्रदेशमा लैङ्गिक कार्य सिकाइ पद्धति पनि सञ्चालन गरेको छ ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया